Ambedkar Jayanti 2024 : डॉ. बाबासाहेब आंबेडकर जयंतीदिनीचा मेगा ब्लॅाक रद्द करावा; शिवसेना खासदाराचं रेल्वेला पत्र

भारतरत्नं डॅाक्टर बाबासाहेब आंबेडकर जयंतीदिनी रेल्वे प्रशासनाने घेतलेला मेगा ब्लॅाक, रद्द करण्याची विनंती शिवसेना खासदार राहुल शेवाळे यांनी रेल्वे प्रशासनाला पत्राद्वारे केली आहे.

महामानव भारतरत्नं डॅाक्टर बाबासाहेब आंबेडकर यांच्या 133 व्या जयंतीनिमित्त देशभरातून बाबासाहेबांचे अनुयायी दादर चैत्यभूमी येथे बाबासाहेबांना विनम्र अभिवादन करण्यासाठी येतात.

या भीम जनसागराला दादर चैत्यभूमी येथे येण्यासाठी कोणतीही गैरसोय होऊ नये यासाठी शिवसेना खासदार राहुल शेवाळे यांनी मध्य, हार्बर आणि पश्चिम रेल्वे प्रशासनाला दिनांक 14 एप्रिल 2024 रोजी कोणताही मेगा ब्लॅाक न घेण्याचे विनंती पत्र पाठवले आहे.

रेल्वे प्रशासनाने मेगा ब्लॅाक नियोजीत केला आहे. त्यामुळे बाबासाहेबांच्या अनुयायींना येण्यास गैरसोय होणार आहे. ती होऊ नये यासाठी शिवसेना खासदार राहुल शेवाळे यांनी रेल्वे प्रशासनाला विनंती पत्र पाठवले आहे.

शिवसेना खासदार राहुल शेवाळे यांच्या मागणीनंतर आता रेल्वे विभान काय भूमिका घेतो हे महत्त्वाचे आहे.