Dream11 वर त्याने 5 लाखांच्या टीम लावल्या, बापाचाही मार खाल्ला, शेवटी त्याला खरं कळलं!

नशीब ही अशी गोष्ट आहे जी कधी कुणाला साथ देईल याचा नेम नाही. सध्या आयपीएलचा हंगाम सुरू आहे. एकीकडे मैदानात एक एक टीम पाँईट टेबलमध्ये अव्वल स्थान घेण्यासाठी लढत आहे. तर दुसरीकडे, याच टीमच्या मदतीने तरुण ४९ रुपयांमध्ये करोडपती होण्याचं स्वप्न उराशी बाळगून फॅन्टसी एपवर नशीब आजमावत आहे. यामध्ये काही जणांना चांगलं क्रिकेटचं ज्ञान किंवा फक्त अंदाज सुद्धा करोडपती बनवत आहे. अशातच एका तरुणाने करोडपती होण्याच्या नांदात ५ लाख रुपये ड्रीम११ सारख्या एपवर नुकसान करून घेतलं. पण एक दिवस त्यांचं नशीब पालटलं.

Dream 11 सारख्या अनेक फॅन्टसी एपवर रोज अनेक करोडपती होण्याच्या आशेनं टीम लावत असतात. झारंखडमधील पलामू जिल्ह्यातील सुगा कौडिया गावात राहणारा रवी मेहता हा एक तरुण त्यापैकीच एक होता. रवी मागील ८ वर्षांपासून करोडपती होण्याचं स्वप्न उराशी बाळगून ड्रीम ११ एपवर टीम लावत होता. पण त्याला कधी यश आलं नाही. या नादात त्याने ५ लाख रुपये ड्रीम ११ एपवर उडवले.

रवी मेहता हा एक मजुराचा मुलगा आहे. घराच उदरनिर्वाह करण्यासाठी चियांकी रेल्वे स्टेशनच्या परिसरात एक किराणा दुकान चालवतो. आपली गरिबी एका दिवसात दूर होईल या आशेनं रवी ड्रीम ११ एपवर टीम लावत होता.

  अशातच आयपीएलमध्ये झालेल्या ९ एप्रिल रोजी झालेल्या गुजरात टायटन्स आणि राजस्थान रॉयल्समध्ये झालेल्या मॅचवर रवीने ३ कोटी रुपये जिंकली. त्याची टीम ही ड्रीम ११ एपवर पहिली आली. इतकी वर्ष केलेल्या प्रयत्नानंतर अखेर रवीचं करोडपती होण्याचं स्वप्न पूर्ण झालं. 

पैसे कधी आले खात्यात?  रवीने  गुजरात टायटन्स आणि राजस्थान रॉयल्सच्या मॅचवर 49 रुपये लावून ३ कोटी रुपये जिंकले. पण ही रक्कम लगेच त्याच्या खात्यात आली नाही.

ही ३० टक्के कर वजा होईल ही रक्कम त्याच्या खात्यात २४ तासानंतर आली. त्यानंतर त्याने ड्रीम ११ च्या खात्यातून १ कोटी रुपये काढले. जिंकलेल्या पैशातून रवीने जमीन विकत घेतली.

विशेष म्हणजे, रवीचे आई -वडील हे मजूर आहे. ते मुलाला किराणा दुकानामध्ये सामान भरण्यासाठी पैसे देत होते. पण तो दुकानाचे पैसे हे ड्रीमवर मॅचवर लावत होता आणि हरतही होता. त्यामुळे कित्येकवेळा त्याच्या वडिलांनी त्याला बऱ्याच वेळा खडसावलंही

पण आज रवी त्याच दुकानामध्ये बसून करोडपती झाला आहे, त्याच्या या यशाबद्दल कुटुंबीय कौतुक करत आहे. जिंकल्या पैशामधून त्याने किराणा दुकान वाढवलं आहे आणि जमीन सुद्धा खरेदी केली.