T20 वर्ल्ड कप जिंकवला, तोच प्लेइंग इलेव्हनमधून बाहेर, कॅप्टन सूर्या मॅच विनरसोबत असं का वागला?

सुपर-8 मध्ये दक्षिण आफ्रिकेविरुद्धच्या सामन्यात टॉसनंतर सूर्यकुमार यादवने अक्षर पटेलबद्दल प्रतिक्रिया दिली. अक्षर पटेलबद्दल आम्हाला कठोर निर्णय घ्यावा लागला, असं सूर्यकुमार यादव म्हणाला.

दक्षिण आफ्रिकेविरुद्धच्या मॅचमध्ये टीम इंडियात कोणताही बदल केला गेला नाही. नेदरलँड्सविरुद्ध खेळलेली टीमच दक्षिण आफ्रिकेविरुद्धच्या सामन्यात खेळली, पण तरीही कॅप्टन सूर्याने टॉसवेळी अक्षर पटेलचा उल्लेख केला.

अक्षर पटेल या वर्ल्ड कपमध्ये युएसए, नामिबिया आणि पाकिस्तानविरुद्ध खेळला. बॅटिंगमध्ये अक्षर शून्य रनवर आऊट झाला पण बॉलिंगमध्ये त्याने 2 विकेट घेतल्या. नामिबियाविरुद्धही अक्षर पहिल्या बॉलला शून्य रनवर माघारी परतला आणि 2 विकेट घेतल्या.

युएसएविरुद्ध अक्षर पटेलने 14 रनची खेळी केली आणि 2 विकेटही मिळवल्या. अक्षर पटेल हा 2024 टी-20 वर्ल्ड कप फायनलमध्ये टीम इंडियाच्या विजयाचा शिल्पकार होता. दक्षिण आफ्रिकेविरुद्धच्या फायनलमध्येच अक्षरने 47 रनची महत्त्वाची खेळी केली, याशिवाय एक विकेटही घेतली होती.

ऑलराऊंडर असलेल्या अक्षर पटेलने या टी-20 वर्ल्ड कपच्या 3 सामन्यांमध्ये 6 विकेट घेतल्या, पण 2 सामन्यांमध्ये तो पहिल्याच बॉलला शून्य रनवर आऊट झाला. बॅटिंगमध्ये अक्षर पटेल हा संघर्ष करताना दिसत आहे.

दुसरीकडे दक्षिण आफ्रिकेच्या टीममध्ये डिकॉक, रिकलटन, मिलर हे 3 डावखुरे बॅटर आहेत आणि अक्षर डावखुरा स्पिनर आहे. डावखुरे बॅटर हे डावखुऱ्या स्पिनरविरुद्ध चांगली बॅटिंग करतात, पण त्यांना ऑफ स्पिनरविरुद्ध खेळताना अडचणी येतात, त्यामुळे दक्षिण आफ्रिकेविरुद्ध ऑफ स्पिनर असलेल्या वॉशिंग्टन सुंदर खेळत आहे.

वॉशिंग्टन सुंदर हा अक्षर पटेलप्रमाणेच बॅटिंगमध्येही योगदान देऊ शकतो. या कारणामुळे अक्षर पटेलऐवजी टीम इंडियाने वॉशिंग्टन सुंदरवर विश्वास दाखवला आहे.