Team India : 300 रन लांबच राहिले, नवख्या नामिबियाने टीम इंडियाला रोखलं, वर्ल्ड रेकॉर्ड नाहीच!

टी-20 वर्ल्ड कपच्या या सामन्यात नामिबियाने टॉस जिंकून पहिले बॉलिंगचा निर्णय घेतला, त्यानंतर टीम इंडियाचे ओपनर इशान किशन आणि संजू सॅमसन यांनी पहिल्याच बॉलपासून नामिबियाच्या बॉलिंगवर आक्रमण केलं.

संजू सॅमसनने 8 बॉलमध्ये 3 सिक्स आणि एका फोरच्या मदतीने 22 रन केले. तर इशान किशनने 24 बॉलमध्ये 254.17 च्या स्ट्राईक रेटने 61 रनची वादळी खेळी केली. इशानने इनिंगमध्ये 5 सिक्स आणि 6 सिक्स मारले.

इशान किशनने नामिबियाचा बॉलर स्मिटच्या एका ओव्हरमध्ये 4 सिक्स आणि एका फोरच्या मदतीने 28 रन काढले. याचसोबत त्याने 20 बॉलमध्ये अर्धशतक पूर्ण केलं. इशान किशन बॅटिंग करत असताना भारत टी-20 वर्ल्ड कपच्या इतिहासातला सगळ्यात मोठा स्कोअर करेल, असं वाटत होतं, पण यात टीम इंडियाला अपयश आलं.

इशानची विकेट गेल्यानंतर सूर्यकुमार यादव 12 आणि तिलक वर्मा 25 रन करून आऊट झाला. हार्दिक पांड्याने 28 बॉलमध्ये 4 फोर आणि 4 सिक्सच्या मदतीने 52 रनची खेळी केली. शिवम दुबे 16 बॉलमध्ये 23 रन करून माघारी परतला. अक्षर पटेल शून्य आणि रिंकू सिंग एक रनवर आऊट झाले.

20 ओव्हरमध्ये टीम इंडियाला 209 रन करता आले. नामबियाकडून कर्णधार गेराल्ड इरासमसने सर्वाधिक 4 विकेट घेतल्या, याशिवाय बेन शिकोंगो, जेजे स्मिट आणि बरनार्ड स्कोल्टस यांना 1-1 विकेट घेण्यात यश आलं.

2007 च्या टी-20 वर्ल्ड कपमध्ये श्रीलंकेने केनियाविरुद्ध 260 रन केले होते. हा अजूनही टी-20 वर्ल्ड कपच्या इतिहासातला सर्वाधिक स्कोअर आहे. नामबियाविरुद्ध टीम इंडियाला हा विक्रम मोडता आला नाही.