WhatsAppचं नवं जबरदस्त फीचर! आता प्रोफाइल फोटोसह लावता येईल कव्हर ईमेज

व्हॉट्सअॅपने iOS यूझर्ससाठी एक नवीन आणि इंट्रेस्टिंग फीचर आणण्याची तयारी सुरु केली आहे. रिपोर्ट्सनुसार, कंपनी पर्सनल प्रोफाइलसाठी कव्हर फोटो फीचरवर काम करत आहे. या फीचरच्या मदतीने यूझर आपल्या प्रोफाइलमध्ये एक कव्हर फोटो लावू शकतील. तसंच जसं फेसबुक आणि लिंक्डइनसारख्या सोशल मीडिया प्लॅटफॉर्मवर पाहायला मिळतं.

रिपोर्ट्सनुसार, हे नवीन फीचर WhatsApp iOS बीटा व्हर्जन 26.1.10.71 मध्ये दिसले आहे. जे TestFlight अॅपद्वारे निवडक यूझर्ससाठी उपलब्ध आहे. फीचर ट्रॅकर WABetaInfo ने रिपोर्ट दिला आहे की WhatsApp प्रोफाइल इंटरफेसमध्ये एक वेगळा विभाग विकसित करत आहे जिथे कव्हर फोटो दिसेल.

रिपोर्टनुसार, हा कव्हर फोटो प्रोफाइल फोटोच्या अगदी वर दिसेल. याचा अर्थ असा की आता फक्त एक गोल प्रोफाइल फोटोच नाही तर त्याच्या वर एक मोठा बॅनरसारखा फोटो देखील असेल. हे फीचर नवीन आहे, परंतु पूर्णपणे अज्ञात नाही, कारण ते WhatsApp Business अकाउंटमध्ये आधीच अस्तित्वात आहे, जिथे बिझनेस यूझर्स त्यांचा ब्रँड किंवा ऑफर प्रदर्शित करण्यासाठी कव्हर फोटो वापरतात.

कव्हर फोटो लावण्याची प्रोसेसही खुप सोपी असेल अशी अपेक्षा आहे. यूझर कव्हर फोटोवर टॅप करुन किंवा नवीन फोटो क्लिक करु शकता किंवा मग आपल्या गॅलरीमधून कोणताही फोटो निवडू शकता.

होऊ शकते अॅडजस्ट : याव्यतिरिक्त, फोटोची स्थिती नंतर बदलणे किंवा अॅडजस्ट करणे शक्य आहे. एकदा कव्हर फोटो सेट झाल्यानंतर, तो यूझरच्या स्वतःच्या प्रोफाइल सेटिंग्जमध्ये आणि इतरांनी प्रोफाइल पाहिल्यावर दिसेल.

खरंतर, हे फीचर सध्या टेस्टिंग स्टेजमध्ये आहे आणि ते सर्व यूझर्ससाठी कधी उपलब्ध होईल याबद्दल अधिकृत माहिती नाही. दरम्यान, व्हॉट्सअॅप सतत नवीन फीचर्स जोडत आहे. अलीकडेच, कंपनीने नवीन मेंबर टॅग, टेक्स्ट स्टिकर्स आणि इवेंट रिमाइंडर फीचर सादर केली आहेत. या अपडेट्सचा उद्देश यूझर्सचा अनुभव आणखी सुधारणे आहे.

एकूणच, हे कव्हर फोटो फीचर सर्व यूझर्ससाठी लॉन्च झाले. तर व्हॉट्सअॅप प्रोफाइल पहिल्यापेक्षा जास्त पर्सनल आणि आकर्षक होऊ शकते.