Petrol Theory : फक्त 'झिरो' पाहून थांबू नका, पेट्रोल पंपावर '2-3-5 थेअरी' लक्षात ठेवा, नाहीतर लागेल खिशाला कात्री

आपण अनेकदा गाडीला पेट्रोल किंवा डिझेल भरायला पेट्रोल पंपावर जातो, आणि तिथे काम करणारे कर्मचारी नेहमी सांगतात, "सर, मीटर झिरो आहे का बघा."

इंधन भरताना मीटर रिडिंग शुन्यापासून सुरु होणं गरजेचं आहेच. यामुळे इंधन चोरी थांबवता येते. पण तुम्हाला काय वाटतं मीटर ‘झिरो’ झाला की फसवणूक थांबते?

पेट्रोल पंपावर मीटर ‘0.00’ वर आहे असं दिसलं, की आपण निश्चिंत होतो की आता कुठलीही फसवणूक होणार नाही.

पण याच क्षणी पंपांवर एक गोष्ट फारच सावधगिरीने बघणं आवश्यक आहे. कारण अजूनही असे अनेक मार्ग आहेत, ज्याचा वापर करुन तुमची फसवणूक होऊ शकते.

‘झिरो’ नंतर काही पंपांवर मीटर थेट ५ किंवा ६ रुपयांवर जाऊन थांबतो आणि तिथून पेट्रोल भरायला सुरुवात होते. असं झालं तरी देखील तुमची फसवणूक होऊ शकते.

100, 200, 500 रुपयांचं पेट्रोल... आणि नेमकी इथेच फसवणूक! आपण बऱ्याच वेळा ₹100, ₹200 किंवा ₹500 इतकं पेट्रोल भरतो आणि तेवढी रक्कम सांगून बाजूला होतो. अशा वेळी, काही पंपांवर मशीनमध्ये आधीच रक्कम 'प्रीसेट' करून ठेवलेली असते. तेव्हा पेट्रोल भरतानाच फसवणूक होते, आणि आपल्याला वाटतं आपण योग्य प्रमाणात पेट्रोल भरलंय. पण तसं नक्कीच नसतं.

उपाय काय?फसवणुकीपासून वाचण्यासाठी लिटर मोजून पेट्रोल भरायला सांगणं हा उत्तम पर्याय आहे.जसं की – "दोन लिटर भरून द्या", "तीन लिटर द्या", "पाच लिटर टाका" वगैरे.हे केल्याने पेट्रोलचं मोजमाप स्पष्ट होतं आणि चुकीच्या प्रीसेट ट्रिकपासून बचाव होतो.

तसंच, शक्यतो तुमच्या भागातील विश्वासार्ह पेट्रोल पंप निवडा.अशा पंपांवर 2-3 वेळा लिटर मोजून पेट्रोल भरून पहा आणि खात्री करा की तिथं फसवणूक होत नाहीये.

फसवणूक झाली तर काय कराल?जर तुमच्यासोबत फसवणूक झाली, तर थेट पंप मालकाकडे तक्रार करू शकता.तसेच, संबंधित कंपनीच्या टोल फ्री हेल्पलाईनवर कॉल करून तक्रार नोंदवता येते.

भारतीय तेल महामंडळ (Indian Oil) – 1800 2333 555एचपी (HP) – 1800 2333 555भारत पेट्रोलियम (BPCL) – 1800 22 4344

तुमचा प्रत्येक रुपया महत्त्वाचा आहे. म्हणूनच, पेट्रोल पंपावर सतर्क राहा आणि चुकीच्या गोष्टींना थारा देऊ नका.