फक्त फोटो, व्हिडीओ काढत नाही; तुमचा मोबाईल कॅमेरा ही आणखी 6 कामं करतो, कुणाला माहितीच नाही

कॅमेरा म्हटलं की त्याचं काम काय तर एक तर फोटो काढणं आणि दुसरं व्हिडीओ. बहुतेक लोक चांगल्या कॅमेऱ्याचा स्मार्टफोन याच कामासाछी घेतात. पण तुम्हाला आश्चर्य वाटेल खरंतर फोन कॅमेरा फक्त फोटो आणि व्हिडिओ काढण्यासाठी नसतो. तो इतर अनेक कामांसाठी वापरला जाऊ शकतो.

जेव्हा टीव्हीचा किंवा एसीचा रिमोट काम करत नसेल, तर फोनच्या कॅमेऱ्याच्या मदतीने तुम्ही बॅटरी संपली आहे की रिमोट खराब झाला आहे हे ओळखू शकता. रिमोट फोनच्या कॅमेऱ्यासमोर धरून रिमोटची बटणं दाबा. फोनच्या कॅमेऱ्यात रिमोट पाहा. जर रिमोटच्या आयआर ब्लास्टरवर निळी लाइट दिसली तर रिमोट चांगला आहे पण जर रिमोटच्या आयआर ब्लास्टरवर कोणतीही लाइट दिसली नाही तर तर रिमोटची बॅटरी किंवा रिमोट बदलण्याची गरज आहे.

दुसरं म्हणजे मोबाईल फोनचा कॅमेरा तुम्ही  लहान तपशील चांगल्या प्रकारे पाहण्यासाठी करू शकता. स्मार्टफोन कॅमेऱ्यांचे झूम आणि ऑटोफोकस इतके प्रगत आहेत की ते भिंग म्हणून वापरले जाऊ शकतात. उदाहरणार्थ, जर काही अगदी बारीक प्रिंटमध्ये लिहिले असेल, तर झूम इन केल्याने ते अधिक स्पष्ट होतात. फ्लॅश चालू करून तुम्ही ते आणखी चांगल्या प्रकारे पाहू शकता.

बऱ्याचदा काहीतरी मोजायचं असतं पण आपल्याकडे काही साधन नसतं. अशावेळी फोनचा कॅमेरा खूप उपयुक्त ठरतो. जर तुमच्याकडे आयफोन असेल तर तर तुम्ही मेजर्स अॅप वापरू शकता. अँड्रॉइड असेल तर प्ले स्टोअरवर हजारो अशाच प्रकारचे अॅप्स उपलब्ध आहेत. या अॅप्समुळे स्केल किंवा इतर आवश्यक साधनांशिवाय वस्तू मोजणं सोपं होतं.

जर तुम्ही अशा ठिकाणी प्रवास करत असाल जिथे तुम्हाला माहिती नाही किंवा रेस्टॉरंटमध्ये जेवायला गेलात पण मेन्यू वेगळ्या भाषेत लिहिलेला असेल तर तुमच्या फोनचा कॅमेरा भाषेतील अडथळा दूर करू शकतो. तुम्हाला गुगल ट्रान्सलेट सारखे अॅप वापरावा लागेल, पण कॅमेरा तुम्हाला दुसऱ्या भाषेत लिहिलेला मजकूर रिअल टाइममध्ये तुमच्या स्वतःच्या भाषेत रूपांतरित करून सर्वकाही समजून घेण्यास मदत करू शकतो.

बऱ्यादा आपल्याला आपल्या आजूबाजूला असलेल्या गोष्टींबाबत जाणून घेण्याची उत्सुकता असते, तेव्हा माझ्या फोनचा कॅमेरा ती माहिती आपल्याला देऊ शकतो. यासाठी तुम्हाला गुगल लेन्स वापरावा लागेल, जो तुम्ही ऑनलाइन क्लिक केलेल्या कोणत्याही फोटोचा शोध घेतो आणि त्याबाबतची माहिती देतो. म्हणून जर तुम्हाला एखाद्याचे बूट, कपडे किंवा घड्याळ आवडत असेल, तर इंटरनेटवर तासनतास शोधण्यापेक्षा ते फक्त तुमच्या फोनच्या कॅमेऱ्याने शोधणं चांगलं.

बऱ्याच वेळा एखादा पेपर स्कॅन करून कुठेतरी पाठवायचा असतो, तेव्हा स्कॅनर वापरण्यापेक्षा फोनच्या कॅमेऱ्याने ते स्कॅन करू शकता. फोनमध्ये पेपर स्कॅनिंग फीचर आहे. वेगळे अ‍ॅप्स डाउनलोड करण्याची गरज नाही.  तुमच्या फोनच्या कॅमेऱ्याचा वापर करून पेपर सहजपणे स्कॅन करू शकता.