Summer Special Train: उन्हाळी सुट्ट्यांत प्रवास सोपा, पुणे-मुंबईतून नागपूरला 106 स्पेशल ट्रेन, पाहा वेळापत्रक

सीएसएमटी ते नागपूर ट्रेनचे वेळापत्रक

मुंबईतील छत्रपती शिवाजी महाराज टर्मिनस (सीएसएमटी) येथून गाडी क्र. 02141 ही द्विसाप्ताहिक विशेष गाड़ी 19 एप्रिल ते 14 जुलै या कालावधीत दर रविवार आणि मंगळवारी रात्री 12.20 वाजता सुटेल. नागपूर येथे त्याच दिवशी दु. 3.10 वाजता पोहोचेल. ही साप्ताहिक विशेष ट्रेन एकूण 26 फेऱ्या करणार आहे. गाडी क्र. 02142 ही द्विसाप्ताहिक विशेष गाडी 19 एप्रिल ते 14 जुलै या कालावधीत धावणार आहे. ती नागपूर येथून दर रविवार आणि मंगळवारी रात्री 8 वाजता सुटेल आणि छत्रपती शिवाजी महाराज टर्मिनस येथे दुसऱ्या दिवशी दु. 1.30 वाजता पोहोचेल. ही गाडी देखील 26 फेऱ्या करणार आहे.

advertisement

उन्हाळी सुट्टीत गावी जाताय? पुण्यातून 450 जादा बस, कोल्हापूर, कोकण अन् कुठं जाणार?

थांबे कोणते?

सीएसएमटी-नागपूर-सीएसएमटी द्विसाप्ताहिक विशेष गाडी दादर, ठाणे, कल्याण, नाशिक रोड, मनमाड, जळगाव, भुसावळ, मलकापूर, शेगाव, अकोला, मूर्तिजापूर, बडनेरा, धामणगाव आणि वर्धा या स्टेशनवर थांबा घेईल. ही गाडी 1 वातानुकूलित द्वितीय, 6 वातानुकूलित तृतीय, 9 शयनयान, 4 सामान्य द्वितीय आणि 2 सामान्य द्वितीय श्रेणी-सह-गार्ड ब्रेक व्हॅन अशी असेल.

पुणे-नागपूर-हडपसर गाडीचे वेळपत्रक

पुणे-नागपूर-हडपसर साप्ताहिक वातानुकूलित विशेष गाडी (क्र. 09469) ही साप्ताहिक विशेष गाडी 21 एप्रिल ते 14 जुलै या काळात धावणार आहे. पुणे येथून दर मंगळवारी दु. 5.50 वाजता ही गाडी सुटेल. तर दुसऱ्या दिवशी पहाटे 5.30 वाजता नागपूर येथे पोहोचेल. बडनेरा स्टेशनवर रात्री उशिरा 2.15 वाजता जाईल.

गाडी क्र.09470 ही साप्ताहिक विशेष गाडी 22 एप्रिल ते 15 जुलै या कालावधीत धावणार आहे. नागपूर येथून दर बुधवारी सकाळी 8 वाजता सुटेल आणि हडपसर येथे त्याच दिवशी रात्री 7.30 वाजता पोहोचेल. या गाडीची 3 वातानुकूलित द्वितीय, 15 वातानुकूलित तृतीय, सामान्य द्वितीय श्रेणी सह गार्ड ब्रेक व्हॅन आणि 1 जनरेटर व्हॅन अशी रचना आहे.

पुण्यातून बुधवारी विशेष गाडी

पुण्यातून 15 एप्रिल ते 15 जुलै या काळात दर बुधवारी साप्ताहिक विशेष गाडी धावणार आहे. गाडी क्र. 09457 ही साप्ताहिक विशे, गाडी दर बुधवारी दुपारी 3.50 वाजता सुटेल आणि दुसऱ्या दिवशी पहाटे 6.30 वाजता नागपुरात पोहोचेल. त्याच मार्गावरून काडी क्रमांक 01448 ही साप्ताहिक विशेष गाडी नागपुरातून दर गुरुवारी सकाळी 8 वाजता सुटेल. हडपसर येथे त्याच दिवशी 7.30 वाजता पोहोचेल.

दरम्यान, दोन्ही साप्ताहिक विशेष ट्रेन प्रत्येकी 14 फेऱ्या करणार आहेत. उरुळी, दौंड कॉर्ड लाईन, अहिल्यानगर, बेलापूर, कोपरगाव, मनमाड, जळगाव, भुसावळ, मलकापूर, शेगाव, अकोला, बडनेरा, धामणगाव आणि वर्धा असे एकूण 14 थांबे ही ट्रेन घेणार आहे.