उन्हाळी सुट्टीत गावी जाताय? पुण्यातून 450 जादा बस, कोल्हापूर, कोकण अन् कुठं जाणार?

पुणे: उन्हाळी सुट्ट्या सुरू झाल्या की पुण्यातून गावी जाणाऱ्यांची संख्या मोठी असते. त्यामुळे रेल्वे, एसटी बस आणि सर्वच प्रवासी वाहनांना गर्दी वाढते. याच पार्श्वभूमीवर एसटी महामंडळाने मोठा निर्णय घेतला आहे. पुणे विभागातून कोल्हापूरसह कोकण, सोलापूर, नाशिक, मुंबई, छत्रपती संभाजीनगर आणि राज्याच्या कानाकोपऱ्यात प्रवासी जातात. त्यांचा प्रवास सुखकर आणि आरामदायी व्हावा यासाठी जादा बस चालवण्यात येणार आहेत. 15 एप्रिल ते 15 जूनपर्यंत 450 जादा गाड्या सोडण्याचे नियोजन असल्याचे एसटीकडून सांगण्यात आले.