Gas Crisis: '100 टक्के!'; घरगुती गॅसचाही तुटवडा होणार? मंत्री मुरलीधर मोहोळ यांनी 100 टक्के खात्री देत सांगितली 'ही' मोठी गोष्ट

व्यावसायिक गॅसवर मर्यादा, घरगुती ग्राहकांना प्राधान्य

मंत्री मोहोळ यांनी स्पष्ट केले की, युद्धाच्या परिस्थितीमुळे निर्माण झालेली टंचाई लक्षात घेता केंद्र सरकारने व्यावसायिक गॅस सिलिंडरचा पुरवठा तात्पुरता थांबवण्याचा निर्णय घेतला आहे. मात्र, सर्वसामान्य जनतेच्या घरातील चूल विझू नये, यासाठी घरगुती वापराच्या गॅस सिलिंडरला (LPG) सरकारने विशेष प्राधान्य दिले आहे. "घरगुती गॅस कुठेही कमी पडणार नाही, याची सरकारने पूर्ण खबरदारी घेतली असून जनतेने अजिबात घाबरून जाण्याचे कारण नाही," असे त्यांनी ठामपणे सांगितले.

advertisement

इस्त्रायल-इराण युद्धाचा इंटरनेटला फटका? भारतातील डिजिटल सेवांवर काय होईल परिणाम?

काळाबाजार करणाऱ्यांना कडक इशारा

गॅस टंचाईचा गैरफायदा घेऊन काही वितरकांकडून सिलिंडरचा काळाबाजार होत असल्याच्या तक्रारी समोर येत आहेत. यावर बोलताना मोहोळ म्हणाले की, "गॅस एजन्सींनी काळाबाजार केल्यास त्यांच्यावर कडक कायदेशीर कारवाई केली जाईल. सरकार परिस्थितीवर बारीक लक्ष ठेवून आहे." घरगुती गॅसबद्दल मोहोळ यांनी ग्वाही दिल्याने सामान्य नागरिकांसाठी निश्चितच ही काळजी मिटवणारी बातमी आहे