इस्त्रायल-इराण युद्धाचा इंटरनेटला फटका? भारतातील डिजिटल सेवांवर काय होईल परिणाम?

पुणे : आखातातील वाढत्या युद्धतणावामुळे जागतिक पातळीवर केवळ तेलपुरवठाच नव्हे तर इंटरनेटसारख्या अत्यावश्यक डिजिटल सेवांवरही परिणाम होण्याची शक्यता व्यक्त केली जात आहे. मध्य पूर्वेतील अत्यंत महत्त्वाचा सागरी मार्ग मानली जाणारी होर्मुझ सामुद्रधुनी ही जागतिक इंटरनेट नेटवर्कसाठीही महत्त्वाची कडी आहे. या समुद्री मार्गाच्या तळाशी जगातील विविध देशांना जोडणाऱ्या फायबर ऑप्टिक केबल्सचे मोठे जाळे पसरलेले आहे. या केबल्समधूनच मोठ्या प्रमाणात आंतरराष्ट्रीय इंटरनेट डेटा वाहतूक केली जाते. त्यामुळे या भागातील तणाव वाढल्यास किंवा केबल्सचे नुकसान झाल्यास त्याचा परिणाम भारतासह अनेक देशांच्या इंटरनेट सेवांवर होऊ शकतो, असा इशारा सायबर तज्ज्ञांनी दिला आहे.