TRENDING:
आधी ओळख, मग लूट
पीडित महिलेने चिंचवड पोलीस ठाण्यात दिलेल्या फिर्यादीनुसार, ही घटना २३ डिसेंबर २०२४ ते २१ फेब्रुवारी २०२६ या काळात चिंचवड येथे घडली. आरोपी जयेश पाटील ऊर्फ आदर्श प्रशांत म्हात्रे (रा. लोअर परेल, मुंबई व अलिबाग) याने मॅट्रिमोनिअल ॲपवर महिलेशी मैत्री केली. लग्नाचे स्वप्न दाखवून हळूहळू तिचा विश्वास संपादन केला.
advertisement
आरोपीने अत्यंत धूर्तपणे महिलेला वेगवेगळ्या कारणांसाठी पैसे मागण्यास सुरुवात केली. इतकेच नाही, तर त्याने पीडित महिलेला आयसीआयसीआय बँकेतून 'प्री-अप्रूव्हड' लोन, ओव्हरड्राफ्ट सॅलरी लोन आणि अन्य ऑनलाइन ॲप्सद्वारे कर्ज घेण्यास भाग पाडले. ही सर्व रक्कम त्याने स्वतःच्या फायद्यासाठी उकळली आणि त्यानंतर महिलेला वाऱ्यावर सोडून दिले.
जेव्हा महिलेला आपली मोठी फसवणूक झाल्याचे लक्षात आले, तेव्हा तिने चिंचवड पोलिसांत धाव घेतली. पोलिसांनी आरोपी म्हात्रेविरुद्ध फसवणुकीचा गुन्हा दाखल केला आहे. सध्या तो मुंबई व रायगड परिसरात फरार असून पोलीस त्याचा कसून शोध घेत आहेत. ऑनलाइन मैत्री करताना अनोळखी व्यक्तींवर विश्वास ठेवणे किती घातक ठरू शकते, याचे हे उत्तम उदाहरण ठरले आहे.