पानशेत हे ठिकाण पुण्याजवळील सर्वात लोकप्रिय पर्यटनस्थळांपैकी एक आहे. हिरवाईने नटलेले डोंगर, शांत वातावरण, पाण्याचे प्रचंड साठे आणि थंडगार वारे यामुळे पानशेत नेहमीच पर्यटकांना आकर्षित करतं. आता पीएमपीएमएलने या ठिकाणी जाण्यासाठी सोयीस्कर आणि आरामदायक एसी बसची सुविधा उपलब्ध करून दिली आहे. त्यामुळे पुण्यातील पर्यटकांना स्वतः वाहन नेण्याची किंवा प्रवासाची चिंता करण्याची गरज नाही.
advertisement
या बससेवेच्या मार्गात अनेक सुंदर पर्यटनस्थळांचा समावेश करण्यात आला आहे. प्रवासादरम्यान तुम्हाला वरसगाव धरणाचा देखणा धबधबा पाहायला मिळणार आहे. त्यानंतर पानशेत येथे बोटिंगचा आनंद घेण्याचीही संधी मिळेल. पाण्यात बोटिंग करताना आजूबाजूचा निसर्ग आणि थंड वाऱ्याची झुळूक तुमचा सगळा थकवा घालवून टाकेल. याशिवाय, प्रवासादरम्यान तुम्हाला खडकवासला धरणही पाहायला मिळेल. हे ठिकाण पुण्याच्या पाण्याचा मुख्य स्त्रोत आहे आणि पर्यटकांसाठी नेहमीच आकर्षण ठरलेलं आहे.
या बससेवेचं सर्वात खास वैशिष्ट्य म्हणजे पर्यावरणपूरक वातानुकुलित बसेस. एसी बसमुळे उन्हाळ्यातील उकाडा किंवा पावसाळ्यातील ओलसरपणा याची काहीच काळजी करावी लागणार नाही. प्रवासात बसमधूनच तुम्हाला सुंदर निसर्ग दृश्यांचा आनंद घेता येईल. बसमधील आसनं आरामदायक असल्याने प्रवास सुखकर होणार आहे.
पानशेत पर्यटन बससेवा केवळ पर्यटनासाठीच नव्हे तर कुटुंबासह छोटा पिकनिक प्लॅन करायचा असेल तरी उत्तम पर्याय आहे. सुट्टीच्या दिवशी मित्रमैत्रिणी किंवा परिवारासोबत एक दिवस निसर्गाच्या सान्निध्यात घालवण्यासाठी ही सेवा योग्य आहे.
View this post on Instagram
A post shared by PMPML (@pmpml_pune)A post shared by PMPML (@pmpml_pune
तिकिट दर नेमके किती...?
या सेवेचा आणखी एक मोठा फायदा म्हणजे तिचा तिकीट दर. पानशेत पर्यटन बससेवेचं तिकीट फक्त 500 रुपयांमध्ये मिळणार आहे. इतक्या कमी दरात एसी बसमध्ये सुखद प्रवास, निसर्गाची सफर आणि बोटिंगचा आनंद घेता येणं खरंच खास आहे. त्यामुळे बजेटची चिंता न करता कुणीही या बससेवेचा आनंद घेऊ शकतो.
तुम्हाला तिकीट किंवा या सेवेशी संबंधित अधिक माहिती हवी असेल तर पीएमपीएमएलने एक हेल्पलाइन नंबरही दिला आहे. 9850501862 या क्रमांकावर संपर्क साधून तुम्ही आवश्यक माहिती मिळवू शकता. पुण्यातील पर्यटकांसाठी ही बससेवा खरोखरच एक उत्तम संधी आहे. सुरक्षित, स्वस्त, सोयीस्कर आणि आनंददायी प्रवास करून तुम्ही पानशेत आणि आजूबाजूच्या सुंदर ठिकाणांचा अनुभव घेऊ शकता. त्यामुळे वेळ वाया न घालवता ही नवीन बससेवा नक्की वापरून बघा आणि निसर्गाच्या सहवासात एक अविस्मरणीय दिवस घालवा.