पुणे आणि पिंपरी-चिंचवडला जोडणार नवा सेतू, ‘त्या’ मार्गाचं लोकार्पण, अजितदादांनी केलं होतं उद्घाटन

अजित दादांनी केले होते उद्घाटन

सांगवी बोपोडी पूल हा पुणे आणि पिंपरी-चिंचवड शहरांना जोडणारा महत्त्वाचा पूल आहे. या पुलाचे भूमिपूजन 5 जानेवारी 2022 रोजी आमदार लक्ष्मण जगताप यांच्या हस्ते झाले होते. त्यानंतर 14 ऑक्टोबर 2024 रोजी या पुलाचे तत्कालीन उपमुख्यमंत्री अजित पवार यांच्या हस्ते उद्घाटन झाले होते. तर नुकतेच या पुलाचे लोकार्पण झाले. या कार्यक्रमास महापौर रवी लांडगे, आयुक्त विजय सूर्यवंशी यांच्यासह मान्यवर उपस्थित होते.

advertisement

खाजगी ट्रॅव्हल्सची लूट थांबणार! पुणे विभागाकडून 74 जादा एसटी बसचे गिफ्ट; कधीपासून सेवा सुरू?

कसा आहे पूल?

सरकार शितोळे सेतू हा सुमारे 760 मीटर लांबीचा आहे. या पुलासाठी तब्बल 40 कोटी रुपयांचा खर्च करण्यात आला. पुलावर आकर्षक कमान असून तिची उंची 26 मीटर, तर वजन सुमारे 650 टन आहे. वास्तुविशारद श्रुती शहा यांनी या कमानीची रचना केली आहे. पुलाच्या सुशोभीकरणाच्या कामासाठी जवळपास 10 महिन्यांचा कालावधी लागला.

तांत्रिक अडचणी

दरम्यान, पुण्यातील या महत्त्वाच्या पुलावरून वाहतूक सुरू झाली आहे. मात्र, यामध्ये काही तांत्रिक अडचणी असल्याचे नागरिकांचे म्हणणे आहे. यात दुभाजक नसल्यामुळे पुलाचा सध्या एकमार्गीच वापर करावा लागत आहे. वाहनचालकांना पुढे जाऊन वळसा घ्यावा लागतो. त्यामुळे बोपोडी मार्गे सांगवीकडे येण्यासाठी दुभाजकाची मागणी होत आहे.