TRENDING:
नेमकी घटना काय?
पारनेर तालुक्यातील डोंगरवाडी येथील उल्हासाबाई संतू डोंगरे (वय ६८) या काही दिवसांपूर्वी बेल्हे येथील बँक ऑफ इंडियामध्ये गेल्या होत्या. तिथे आरोपी ज्ञानदेव हरिभाऊ चेडे (वय ४५, रा. अहिल्यानगर) याने त्यांना गाठले. "मी तुमच्या गावचा तलाठी आहे, तुमची पेन्शन वाढली आहे," असे सांगून त्याने त्यांचा विश्वास संपादन केला. वाढीव पेन्शन मिळवण्यासाठी काही प्रक्रिया करावी लागेल आणि पैसे भरावे लागतील, असे सांगून त्याने वृद्ध महिलेचे सोन्याचे दागिने काढून घेऊन पोबारा केला.
advertisement
फसवणूक झाल्याचे लक्षात येताच महिलेने आळेफाटा पोलीस ठाण्यात धाव घेतली. पोलीस निरीक्षक विश्वास जाधव यांच्या मार्गदर्शनाखाली गुन्हे शोध पथकाने परिसरातील सीसीटीव्ही फुटेज आणि गुप्त बातमीदारांच्या मदतीने तपास चक्रे फिरवून आरोपी ज्ञानदेव चेडे याला अटक केली. तपासादरम्यान आरोपीने गुन्ह्याची कबुली दिली असून, त्याच्याकडून १ लाख ८१ हजार ७०० रुपये किमतीचे २७.९५ ग्रॅम वजनाचे सोन्याचे दागिने पोलिसांनी हस्तगत केले आहेत.
आरोपी ज्ञानदेव चेडे हा सराईत गुन्हेगार असून, त्याच्यावर यापूर्वीही फसवणूक आणि चोरीचे अनेक गुन्हे दाखल आहेत. पोलीस अधीक्षक संदीप सिंह गिल आणि अपर पोलीस अधीक्षक रमेश चोपडे यांच्या मार्गदर्शनाखाली सतीश टाव्हरे, विनोद गायकवाड आणि पंकज पारखे यांच्या पथकाने ही यशस्वी कारवाई केली.