Bigg Boss Marathi 6 च्या घरातून दुसऱ्या आठवड्यात हा स्पर्धक जाणार घराबाहेर, सर्वाधिक सपोर्ट कोणाला? लेटेस्ट वोटिंग ट्रेंड समोर

रुचिता जामदार (Ruchita Jamdar) : 'बिग बॉस मराठी 6'च्या दुसऱ्या आठवड्यातील लेटेस्ट वोटिंग ट्रेंडनुसार, नंबर 9 वर रुचिता जामदार आहे. तिला तिचा गेम सुधारण्याची संधी मिळते. पण ज्यापद्धतीने, ज्या शब्दांत घरात ती भाष्य करतेय ते कोणालाच आवडत नाही आहे. या आठवड्याच्या सुरुवातीलाच रुचिता राकेश बापटच्या कॅरेक्टरवर शिंतोडे उडवताना दिसली होती.

प्रभू शेळके (Prabhu Shelke) : 'बिग बॉस मराठी 6'च्या दुसऱ्या आठवड्यातही प्रभू शेळके दुसऱ्या क्रमांकावर अडकला आहे. सोशल मीडियावर चर्चेत असूनही प्रभुला कमी वोट्स मिळाले आहेत. एकंदरीत त्याला आपला गेमप्लॅन बदलण्याची गरज आहे.

अनुश्री माने (Anushri Mane) : अनुश्री मानेची सोशल मीडियावर मोठी फॅन फॉलोइंग आहे. अनुश्री मानेवर सध्या महाराष्ट्र पेटून उटला आहे. राकेश बापटसोबतच्या वादानंतर नेटकऱ्यांकडून अनुश्रीवर नाराजी व्यक्त केली जात आहे. अनुश्रीने हे फेमसाठी केलं असून राकेशला टार्गेट केलं असल्याचं बिग बॉसप्रेमींचं मत आहे. त्यामुळे अनुश्रीचे वोट्स झपाट्याने पडले असून ती नंबर 7 वर आली आहे.

राधा पाटील-मुंबईकर (Radha Patil - Mumbaikar) : राधा पाटील मुंबईकर नंबर 6 वर आहे. राधा पाटीलवर एविक्शनची टांगती तलवार राहणार आहे. कारण राधा पाटील नुकतंच एका एपिसोडमध्ये घरी जाण्याची इच्छा व्यक्त केली होती. त्यामुळे या आठवड्यात ती डेंजर झोनमध्ये आहे.

दिपाली सय्यद (Deepali Sayed) : दिपाली सय्यद दुसऱ्या आठवड्यात पाचव्या क्रमांकावर आहे. दिपाली सय्यद सध्या घरातील सदस्यांना सांभाळून घेत आहे. त्यामुळे तिला प्रेक्षकांचाही चांगला पाठिंबा मिळतोय.

सागर कारंडे (Sagar Karande) : सागर कारंडे चौथ्या क्रमांकावर आहे. सागर कारंडेला संपूर्ण महाराष्ट्रभरातून पाठिंबा मिळतोय. पहिल्या आठवड्यात आपल्या खेळीने त्याने प्रेक्षकांचं मन जिंकलं होतं. रितेश देशमुखनेही त्याचं कौतुक केलं होतं.

करण सोनावणे (Karan Sonawane) : पहिल्या आठवड्याप्रमाणे दुसऱ्या आठवड्यातही करण सोनावणे तिसऱ्या क्रमांकावर आहे. चाहते माझ्या पाठीशी असल्याचा त्याला ओव्हर कॉन्फिडन्स असल्याचं अनेकदा पाहायला मिळालं आहे. पण बिग बॉस मराठी 6 च्या घरातला तो एक उत्तम खेळाडू आहे.

दिव्या शिंदे (Divya Shinde) : दिव्या शिंदेला तुफान वोट्स मिळाले असून ती दुसऱ्या क्रमांकावर राज्य करत आहे. दिव्याला एका वेगळ्या लेव्हला प्रेक्षकांचा पाठिंबा मिळत आहे.

रोशन भजनकर (Roshan Bhajankar) : 'बिग बॉस मराठी 6'च्या एकूण 17 स्पर्धकांपैकी रोशन भजनकरला प्रेक्षकांचा सर्वाधिक पाठिंबा मिळतोय. दुसऱ्या आठवड्यात तो पहिल्या क्रमांकावर आहे. सध्या त्याला योग्य फूटेज मिळत नसून एविक्शनची टांगती तलवार रोशनवर कायम राहणार आहे.