TRENDING:
नेमकी घटना काय?
शिवाजीनगर भागात राहणाऱ्या एका तरुणीनं 'पोर्टर' (Porter) ॲपद्वारे सामान मागवलं होतं. सायंकाळी पाचच्या सुमारास डिलिव्हरी बॉय श्रीधर कांबळे पार्सल घेऊन तिच्या घरी पोहोचला. तरुणीनं दरवाजा उघडून पार्सल घेतलं. त्यानंतर त्याने तरुणीकडे पिण्यासाठी पाणी मागितलं. तरुणीने माणुसकीच्या नात्यानं त्याला पाणी दिलं, मात्र याच संधीचा फायदा घेत त्यानं तिच्या हाताला स्पर्श केला आणि "तू खूप सुंदर दिसतेस," असं म्हणत गैरवर्तन केलं.
advertisement
पोलिसांकडून आरोपीचा शोध सुरू
या घटनेवेळी घरात तरुणीची सासू आणि तिचं बाळ उपस्थित होते. या प्रकारामुळे घाबरलेल्या तरुणीने तात्काळ आपल्या पतीला याची माहिती दिली. त्यानंतर पीडित तरुणीनं शिवाजीनगर पोलीस ठाण्यात धाव घेऊन तक्रार नोंदवली. तरुणीने दिलेल्या तक्रारीवरून पोलिसांनी डिलिव्हरी बॉय श्रीधर कांबळे याच्यावर विनयभंगाचा गुन्हा दाखल केला आहे. या घटनेतील आरोपी सीसीटीव्हीमध्ये कैद झाला असून, शिवाजीनगर पोलीस आरोपीचा शोध घेत आहेत.
ऑनलाइन ॲपवरून सेवा घेताना सुरक्षेच्या नियमांचे पालन किती गरजेचे आहे, हेच या घटनेवरून अधोरेखित होत आहे. पोलीस या प्रकरणाचा गांभीर्याने तपास करत असून, लवकरच आरोपीला शिक्षा दिली जाईल. मात्र, नागरिकांनी सावध राहाणं गरजेचं आहे.