TRENDING:
नेमकं प्रकरण काय?
ही घटना काळेपडळ पोलीस चौकीच्या हद्दीतील एका सोसायटीच्या गेटबाहेर रात्री साडेसातच्या सुमारास घडली. दोन तरुण दारूच्या नशेत धुंद होऊन सोसायटीच्या आवारात शिरण्याचा प्रयत्न करत होते. 'तुम्ही नशेत आहात, त्यामुळे आत जाऊ नका', असे म्हणत कर्तव्यावर असलेल्या वॉचमनने त्यांना रोखले. मात्र, या साध्या विनंतीचा राग अनावर झाल्याने या तरुणांनी थेट हातात काठ्या घेतल्या आणि वॉचमनवर तुटून पडले.
advertisement
बघ्यांची गर्दी, पण मदतीचा हात नाही
व्हायरल व्हिडिओमध्ये स्पष्टपणे दिसत आहे की, दोन तरुण भररस्त्यात वॉचमनला काठीने बेदम मारत आहेत. वॉचमनमदतीसाठी ओरडत होता. काही लोकांनी या तरुणांना अडवण्याचा प्रयत्न केला, मात्र नशेत असलेल्या तरुणांनी कोणाचेही ऐकले नाही. धक्कादायक बाब म्हणजे, इतर लोक बराच वेळ प्रयत्न करत होते आणि या तरुणांच्या हातातील काठी ओढत होते, मात्र तरीही या दोघांनी कोणाचंही ऐकलं नाही.
काळेपडळ पोलिसांनी या प्रकरणाची गंभीर दखल घेतली असून, व्हायरल व्हिडिओच्या आधारे दोन्ही आरोपींचा शोध सुरू आहे. पुण्यात वाढत्या गुंडगिरीमुळे सामान्य नागरिकांच्या सुरक्षिततेचा प्रश्न पुन्हा एकदा ऐरणीवर आला आहे.