चेहऱ्यावरचे हावभाव पाहून थांबवलं; बँकॉकहून आलेल्या प्रवाशाच्या बॅगमध्ये काय दडलेलं? पुणे विमानतळावर थरार

पुणे आंतरराष्ट्रीय विमानतळावर बँकॉकहून आलेल्या एका विमानातून उतरलेल्या प्रवाशाला सीमाशुल्क विभागाच्या पथकाने ८ डिसेंबर रोजी ताब्यात घेतलं. हा प्रवासी विमानतळावरून घाईगडबडीत बाहेर पडण्याचा प्रयत्न करत होता. त्याच्या संशयास्पद हालचाली Customs अधिकाऱ्यांच्या लगेच लक्षात आल्या. तातडीने त्याला चौकशीसाठी थांबवण्यात आलं आणि त्याच्या सामानाची कसून तपासणी करण्यात आली.

Pune Crime: प्रतिष्ठित संस्थेत पियानो शिकण्यासाठी गेलेल्या मुलावर अत्याचार, ऐकताच आई हादरली, पोलिसांत धाव

advertisement

तपासणीदरम्यान, प्रवाशाच्या बॅगमध्ये अतिशय उच्च दर्जाचा हायड्रोपोनिक गांजा आढळून आला. पोलिसांनी त्याच्याकडून एकूण २ किलो २९९ ग्रॅम वजनाचा गांजा जप्त केला. Customs अधिकाऱ्यांनी दिलेल्या माहितीनुसार, आंतरराष्ट्रीय बाजारात नियंत्रित वातावरणात लागवड केलेल्या या 'हायड्रोपोनिक गांजा'ची किंमत प्रचंड आहे. जप्त केलेल्या मालाची किंमत दोन कोटी २९ लाख रुपये इतकी आहे.

चौकशीत या प्रवाशाने हा गांजा बँकॉकहून आणल्याची कबुली दिली आहे. मात्र, हा गांजा पुण्यामध्ये किंवा भारतामध्ये नेमका कोणाला पुरवायचा होता, यामागे आंतरराष्ट्रीय तस्करीचे कोणते जाळे कार्यरत आहे, याचा सखोल तपास सीमाशुल्क विभागाचे अधिकारी करत आहेत. अलीकडच्या काळात 'हायड्रोपोनिक गांजा' तस्करीचे प्रकार वाढल्यामुळे विमानतळ आणि Customs पथकांना विशेष सतर्कतेचे आदेश देण्यात आले आहेत.

चोरीची विचित्र घटना - 

दरम्यान पुण्यातून चोरीची एक अतिशय अजब आणि धक्कादायक घटना समोर आली आहे. पिंपरी-चिंचवडमध्ये एका सराफ व्यावसायिकाला त्यांच्याच विश्वासू कामगाराकडून फसवणुकीचा मोठा फटका बसला आहे. भोसरीतील गुडविल चौकात शुक्रवारी (५ डिसेंबर) रात्री पावणेनऊच्या सुमारास ही घटना घडली आहे. या घटनेत सराफाने दागिन्यांची पिशवी कामगाराकडे दिली आणि तो लघुशंकेसाठी गेला. यावेळी कामगार ८० ग्रॅम सोन्याचे दागिने घेऊन फरार झाला आहे.