विरार-अलिबाग कॉरिडॉरला ब्रेक, मुंबई बडोदासाठी नवा हायवे, कसा असेल मार्ग?

भारताची राजधानी दिल्ली ते आर्थिक राजधानी मुंबईसाठी महत्त्वाचं असलेल्या जवाहरलाल नेहरू बंदर (जेएनपीए) यांना जोडणाऱ्या महत्त्वाकांक्षी दिल्ली-मुंबई कॉरिडॉर प्रकल्पातील अडथळे दूर करण्यासाठी भारतीय राष्ट्रीय महामार्ग प्राधिकरणाने (एनएचएआय) मोठी हालचाल सुरू केली आहे. महाराष्ट्र राज्य रस्ते विकास महामंडळाकडून (एमएसआरडीसी) विरार-अलिबाग कॉरिडॉर अंतर्गत जेएनपीएला जोडणाऱ्या रस्त्याच्या कामात कमालीची दिरंगाई होत असल्याने, आता एनएचएआयने स्वतःच १४ किलोमीटरचा नवा आणि अतिरिक्त रस्ता उभारण्याचा आराखडा तयार केला आहे.