आजचं हवामान: थंडीची लाट कायम राहणार, 15 जिल्ह्यांसाठी हवामान विभागाकडून हायअलर्ट, तुमच्या जिल्ह्यात काय स्थिती?

Weather update: मुंबई उपनगर आणि नवी मुंबई, ठाणे पट्ट्यात आता गुलाबी नाही तर अंगाला बोचणारी थंडी पडायला सुरुवात झाली आहे. तसं तर विदर्भ आणि मराठवाड्यातील तापमानाचा पारा हा ६ अंशांहून कमी होत आहे. भारतीय हवामान विभागाने दिलेल्या ताज्या माहितीनुसार, राज्यात थंडीचा जोर वाढणार आहे. मध्य भारत आणि उत्तरी प्रायद्वीपीय भारतामध्ये कोल्ड वेवची स्थिती कायम राहणार असून, यात महाराष्ट्रातील विदर्भ, मध्य महाराष्ट्र आणि मराठवाड्याच्या अनेक भागांत थंडीची लाट आणखी तीव्र होण्याची शक्यता आहे.