Bhaji Recipe Video : आजी-आजोबा खातात त्या विड्याच्या पानांची भजी; लहान मुलांसाठीही आहे हेल्दी

विड्याच्या पानांची किंवा खायच्या पानांची भजी वाचूनच काही जणांनी आश्चर्य वाटलं असेल. पान म्हणजे चांगलं नाही असं अनेकांना वाटतं. पण विड्याचं पान जे थोडं तिखट, थोडं तुरट आणि थोडं कडवट असतं, त्याचे आरोग्यदायी फायदेही आहेत, असं सांगितलं जातं. यामुळे कफ आणि थकवा कमी होतो, पचनक्रिया सुधारते, विटॅमिन्स सी  मिळतं, स्मरणशक्ती वाढते, डोकेदुखीसाठी नैसर्गिक उपचार आहे.

आरोग्यासाठी इतके फायदे असलेलं हे पान आपण आजी-आजोबांसारखं चघळून तर नाही खाऊ शकत. पण मग त्याची भजी बनवून तर नक्कीच खाऊ शकतो.

बेसन

तांदळाचं पीठ

हळद

हिंग

ओवा

कोथिंबीर

सोडा

मीठ

तेल

पाणी

कढईत तेल गरम करून ते नीट तापलं की त्यात एकएक करून भजी सोडा आणि सोनेरी रंग येईपर्यंत तळून घ्या. विड्याच्या पानांची गरमागरम भजी खायला तयार. आजी-आजोबांना ही भजी द्या, सोबत तुम्ही खा आणि लहान मुलांनाही देऊ शकता.

Tasty Chav फेसबुक अकाऊंटवर हा व्हिडीओ पोस्ट करण्यात आला आहे. तुम्ही कधी विड्याच्या पानांची भजी खाल्ली होती का? नाही तर एकदा ही रेसिपी ट्राय करून पाहा आणि कशी झाली आम्हाला आमच्या सोशल मीडियाच्या कमेंट बॉक्समध्ये नक्की सांगा. तुमच्याकडे विड्याच्या पानांची किंवा आणखी काही अशी पारंपारिक, गावाकडची, पणजी-आजी-आईची हटके रेसिपी असेल तर तीसुद्धा आमच्यासोबत शेअर करा.