Weather Alert: कल्याण-डोंबिवलीत हवामानात मोठे बदल, 12 डिसेंबरला पुन्हा अलर्ट

आजचं हवामान अपडेट जाणून घेऊ. " width="1500" height="1000" /> राज्यात थंडीचा जोर वाढला असून उत्तर महाराष्ट्रातसह विदर्भ आणि मराठवाड्यात ‘कोल्ड वेव्ह’चं संकट आहे. तर मुंबई, ठाण्यासह कोकणात देखील पारा चांगलाच घसरला आहे. 12 डिसेंबर रोजी पुन्हा राज्यातील 13 जिल्ह्यांना यलो अलर्ट जारी करण्यात आला आहे. ठाण्यासह कल्याण-डोंबिवली परिसरातील आजचं हवामान अपडेट जाणून घेऊ.

आज कल्याणमध्ये थंडीची लाट जाणवेल. दिवसा हवामान सुखद आणि रात्री अधिक थंड असेल. किमान तापमान 12°C ते 15°C च्या आसपास आणि कमाल तापमान 25°C ते 28°C पर्यंत असू शकते, ज्यामुळे पारा घसरून थंडी जाणवेल. तसेच हवेतील आर्द्रता कमी असेल आणि वाऱ्याचा वेग साधारण असेल.

डोंबिवली शहरातील सकाळच्या वेळी काही ठिकाणी धुके असू शकते. इथे किमान तापमान 18°C च्या आसपास आणि कमाल तापमान सुमारे 24-26°C पर्यंत राहण्याचा अंदाज आहे, ज्यामुळे सकाळ आणि रात्री गारठा जाणवेल. तर दिवसा हवामान स्वच्छ व उबदार असेल. आकाश निरभ्र राहील.

कल्याण-डोंबिवली ग्रामीण भागात तापमानात मोठी घट झाल्याने थंडीचा कडाका जाणवत आहे. काही ठिकाणी पारा 12 अंशांपर्यंत घसरला आहे. आज तापमान 18 ते 24 अंशांच्या दरम्यान राहील. तर शहापूर, मुरबाड भागात देखील थंडीचा कडाका वाढला असून तापमानात मोठी घट झाली आहे. शहापूरला तापमान 20 अंशांपर्यंत तर मुरबाडला 14 अंशांपर्यंत घसरण्याची शक्यता आहे.

ठाण्यासह बदलापुरात देखील थंडीचा जोर आहे. बदलापूरला किमान तापमान 13 अंशांपर्यंत घसरेल. तर कमाल तापमान 25 अंशांवर राहील. आकाश निरभ्र आणि हवामान कोरडे राहील. वाढत्या थंडीमुळे नागरिकांना आरोग्याची योग्य ती काळजी घ्यावी लागेल.