सामान्य भाविकांना बंदी, मग खासदारांना एन्ट्री कशी? भीमाशंकर मंदिर प्रकरणावरून पोलीस अन् विश्वस्त अडकले, मोठा दणका

मिळालेल्या माहितीनुसार, दुबे यांचे हेलिकॉप्टर खेडमधील एका खासगी जागेत उतरले. तेथून ते मोटारीने भीमाशंकरला पोहोचले. पोलिसांनी लावलेले दोन सुरक्षिततेचे बॅरिकेड्स पार करून त्यांची गाडी थेट मंदिरापर्यंत गेली. 'आम्ही परिसराचे सर्वेक्षण करत आहोत' असे सांगून ते मंदिराजवळ आले. त्यानंतर मंदिराच्या विश्वस्तांनी प्रवेशद्वाराचे कुलूप उघडले आणि दुपारी आरतीच्या वेळी खासदारांना गाभाऱ्यात प्रवेश देऊन दर्शन घडवले.