छत्रपती संभाजी महाराज पुण्यतिथी: वढू बुद्रूकच्या वाहतुकीत मोठे बदल, गैरसोय टाळण्यासाठी पाहा पर्यायी मार्ग

पुणे: छत्रपती संभाजी महाराजांच्या 337 व्या पुण्यतिथीनिमित्त शिरूर तालुक्यातील वढू बुद्रूक येथे मोठ्या संख्येने शिवभक्त मानवंदना देण्यासाठी दाखल होत आहेत. त्यामुळे या ठिकाणी मोठ्या प्रमाणात गर्दी होण्याची शक्यता आहे. या पार्श्वभूमीवर प्रशासनाकडून वाहतुकीत तात्पुरता बदल करण्यात आला आहे. 17 मार्चला रात्री 10 वाजल्यापासून ते 18 मार्चला रात्री 10 वाजेपर्यंत वढू बुद्रूक परिसरातील वाहतूक पर्यायी मार्गाने वळविण्याचे आदेश जिल्हाधिकारी जितेंद्र डूडी यांनी दिले आहेत. या कालावधीत नागरिकांनी पर्यायी मार्गांचा वापर करावा असे आवाहन देखील करण्यात आले आहे.