पोलिसांनी लोणावळ्यातील 500 व्हिलांची घेतली झडती, 'त्या' आलिशान घराचा दरवाजा उघडताच हादरले, चौघांचं कांड पाहून पुण्यात खळबळ

लोणावळा : राज्यात सायबर फसवणुकीच्या घटना प्रचंड वाढल्या आहेत. रोज काही ना काही फसवणुकीच्या घटना समोर येत असतात. मात्र, आता सायबर गुन्हेगारांना अद्दल घडवणारी एक बातमी समोर आली आहे. पर्यटनासाठी प्रसिद्ध असलेल्या लोणावळ्यातील व्हिला आणि गेस्ट हाऊसचा वापर आता सायबर गुन्ह्यांसाठी होत असल्याचा धक्कादायक प्रकार समोर आला आहे. शेअर ट्रेडिंगच्या नावाखाली एका व्यक्तीची ९७ लाख ७० हजार रुपयांची फसवणूक करणाऱ्या टोळीचा पिंपरी-चिंचवड सायबर पोलिसांनी पर्दाफाश केला आहे. या कारवाईसाठी पोलिसांनी लोणावळ्यातील तब्बल ४०० ते ५०० व्हिलांची कसून झडती घेतली, त्यानंतर सायबर चोरट्यांना पकडण्यात मोठं यश आलं आहे.