TRENDING:
नेमकी घटना काय?
मिळालेल्या माहितीनुसार, पीडित महिला कपडे खरेदी करण्यासाठी मुकेश मुथा याच्या दुकानात गेली होती. यावेळी मुथाने तिला दुकानातील स्टोअर रूममध्ये कपडे बदलण्यासाठी पाठवले. मात्र, त्या स्टोअर रूममध्ये आधीच सीसीटीव्ही कॅमेरा बसवण्यात आला होता. या माध्यमातून पीडितेच्या खासगीपणाचा भंग करून, तिला लज्जा उत्पन्न होईल असे कृत्य करत तिचा विनयभंग केल्याचा आरोप तक्रारीत करण्यात आला आहे.
advertisement
या घटनेची माहिती वाऱ्यासारखी पसरताच कामशेत परिसरात संतापाची लाट उसळली आहे. काही काळ तणावाचे वातावरण निर्माण झाले होते. पोलिसांनी तातडीने हालचाल करत आरोपी मुकेश मुथा याला अटक केली आहे. महिलांच्या सुरक्षेचा प्रश्न पुन्हा एकदा ऐरणीवर आला असून, अशा नराधम दुकानदारांवर कठोर कारवाई करण्याची मागणी नागरिकांकडून होत आहे.
कामशेत पोलिसांनी या प्रकरणी गुन्हा दाखल केला आहे. सीसीटीव्ही फुटेज आणि इतर पुराव्यांची तपासणी सुरू आहे. नागरिकांनी अशा ठिकाणी सतर्क राहावे, असे आवाहनही पोलिसांनी केले आहे.