Petrol Price Hike: इराण-इस्रायल युद्धाचा फटका, गॅसनंतर पेट्रोल दरांचा भडका, कितीनं महागलं?

पेट्रोलचे नवे दर

देशात गॅस दरवाढीनंतर पेट्रोलच्या दरात देखील वाढ करण्यात आली आहे. ‘स्पीड’ आणि ‘पॉवर’ सारख्या प्रीमियम पेट्रोलचे दर वाढले आहेत. आता स्पीड/पॉवर पेट्रोलसाठी प्रति लिटर 2.09 रुपये जादा मोजावे लागतील. त्यामुळे पूर्वीचा 111.68 रुपयांवरून हे दर 113.77 रुपयांवर गेले आहेत. तर साध्या पेट्रोलचे दर पूर्वीप्रमाणेच कायम आहेत.

उन्हाळी सुट्ट्यांत प्रवास सोपा, पुणे-मुंबईतून नागपूरला 106 स्पेशल ट्रेन, पाहा वेळापत्रक

advertisement

पेट्रोलचे दर का वाढले?

मध्यपूर्वेतील युद्धाचा फटका कच्च्या तेलाच्या जागतिक मार्केटला बसत आहे. कच्च्या तेलाचे दर वाढल्याने इंधनाच्या किमती वाढत आहेत. इराण आणि इस्रायल संघर्ष अधिक तीव्र झाल्याने त्याचा तेलाचे उत्पादन आणि वितरणावर देखील परिणाम झाला आहे. त्यात गेल्या काही दिवसांत ऊर्जा प्रकल्पांवर हल्ले वाढले आहेत. त्यामुळे जागतिक तेल बाजारात अस्थिरता निर्माण झाली आहे.

दरम्यान, होर्मुझच्या खाडीतून तेलाच्या पुरवठ्यावर इराणने निर्बंध घातले आहेत. पुढील काळात या ठिकाणी अडथळे निर्माण झाल्यास तेल पुरवठ्यावर अधिक गंभीर परिणाम होण्याची शक्यता आहे. जगातील 20 टक्के तेल वाहतूक याच मार्गाने होते. हा संघर्ष सुरूच राहिल्यास पुढील काळात पेट्रोल, डिझेल आणि गॅसचे दर अजून भडकण्याची शक्यता वर्तवली जातेय.