TRENDING:
मागणी आणि पुरवठ्याचा समतोल बिघडला
शहरातील वाढती लोकसंख्या, आयटी (IT) आणि उत्पादन क्षेत्रातील रोजगाराच्या अमाप संधी, तसेच इतर महानगरांच्या तुलनेत परवडणाऱ्या किमतींमुळे पुणे घरांच्या खरेदीसाठी पसंतीचे शहर ठरत आहे. सध्या पुण्यातील घरांची मागणी ही नव्या पुरवठ्यापेक्षा अधिक वेगाने वाढत आहे. क्रेडाई पुणेचे अध्यक्ष मनीष जैन यांच्या मते, आता खरेदीदार केवळ परवडणाऱ्या घरांपुरते मर्यादित न राहता, प्रशस्त आणि सोयीसुविधांनी सज्ज घरांकडे वळत आहेत.
advertisement
आकडेवारीतून स्पष्ट होणारी तेजी
पुणेकरांची आर्थिक क्षमता आणि घर खरेदीची आवड वाढल्याचे स्पष्ट संकेत आकडेवारीतून मिळतात. २०२१ मध्ये शहरातील घर खरेदी व्यवहारांचे एकूण मूल्य ३६,८५२ कोटी रुपये होते, जे २०२५ मध्ये तब्बल ६३,०६९ कोटी रुपयांवर पोहोचले आहे. म्हणजे गेल्या चार वर्षांत व्यवहारांच्या मूल्यात सुमारे ७१ टक्क्यांची भरघोस वाढ झाली आहे.
पुणे का ठरतेय 'फेवरेट'?
सरासरी किंमत: इतर महानगरांच्या तुलनेत पुण्यातील घरांच्या किमती (सरासरी ७८ लाख रुपये) आजही परवडणाऱ्या आहेत.
पायाभूत सुविधा: आयटी पार्क्स आणि औद्योगिक विकासासह मेट्रो, विमानतळ विस्तार यांसारख्या पायाभूत सुविधांचा ओघ.
स्थलांतर: रोजगाराच्या शोधात शहरात येणाऱ्या स्थलांतरित लोकसंख्येचा वाढता ओघ.
थोडक्यात, पुण्यातील गृहनिर्माण बाजारपेठ आता एका नव्या टप्प्यावर पोहोचली असून, गुंतवणूकदार आणि घर खरेदीदारांसाठी हे शहर 'हॉटस्पॉट' बनले आहे.