APMC Market: आल्याचं मार्केट हाललं, लिंबू अन् शेवग्यालाही भाव, कुठं मिळाला सर्वाधिक दर?
- Reported by:Priti Nikam
- Published by:Shankar Pawar
Last Updated:
APMC Market: महाराष्ट्रातील कृषी मार्केटमध्ये मोठ्या उलाढाली दिसत आहेत. 5 मार्च रोजीचे आले, लिंबू अन् शेवग्याच्या दरांबाबत जाणून घेऊ.
मुंबई: महाराष्ट्रातील विविध कृषी मार्केटमध्ये शेती मालाच्या बाजारात मोठ्या उलाढाली होत असतात. सध्या इराण युद्धाचा परिणाम काही कृषी मालांच्या दरांवर होत असल्याचे चित्र आहे. गुरुवारी, 5 मार्च 2026 रोजी राज्यातील कृषी मार्केटमध्ये आवक आणि दर यांबाबत चढउतार दिसले. आले, लिंबू आणि शेवग्याची आवक आणि त्याला मिळालेले दर यांबाबत अपडेट जाणून घेऊ.
आल्याच्या दरात सुधारणा
राज्याच्या मार्केटमध्ये आज एकूण 2236 क्विंटल आल्याची आवक झाली. यापैकी मुंबई मार्केटमध्ये सर्वाधिक 980 क्विंटल आल्याची आवक झाली. त्यास प्रतीनुसार 4000 ते 6000 रुपये प्रतिक्विंटल प्रमाणे सर्वाधिक भाव मिळाला. तसेच चंद्रपूर मार्केटमध्ये आवक झालेल्या 23 क्विंटल आल्यास 5500 रुपये सर्वाधिक बाजारभाव मिळाला.
advertisement
लिंबूची आवक
राज्याच्या मार्केटमध्ये आज 706 क्विंटल लिंबूची आवक राहिली. यापैकी पुणे बाजारात आवक झालेल्या 341 क्विंटल लिंबूस 400 ते 3000 रुपये प्रतिक्विंटल प्रमाणे सर्वात कमी बाजारभाव मिळाला. तसेच नागपूर मार्केटमध्ये आवक झालेल्या 1 क्विंटल लिंबूस 11666 रुपये प्रतिक्विंटल प्रमाणे सर्वाधिक सर्वसाधारण बाजारभाव मिळाला.
शेवग्यास उठाव
आज राज्याच्या मार्केटमध्ये 549 क्विंटल शेवग्याची एकूण आवक झाली. यापैकी मुंबई बाजारात 250 क्विंटल सर्वाधिक आवक राहिली. त्यास प्रतीनुसार 4000 ते 6000 रुपये दरम्यान बाजारभाव मिळाला. तसेच नागपूर मार्केटमध्ये आवक झालेल्या 2 क्विंटल शेवग्यास 6125 रुपये प्रतिक्विंटल प्रमाणे सर्वाधिक सर्वसाधारण बाजारभाव मिळाला.
Location :
Sangli,Maharashtra
First Published :
Mar 05, 2026 8:28 PM IST
मराठी बातम्या/कृषी/
APMC Market: आल्याचं मार्केट हाललं, लिंबू अन् शेवग्यालाही भाव, कुठं मिळाला सर्वाधिक दर?
