TRENDING:
नेमकी घटना काय?
शिरूर तालुक्यातील रांजणगाव गणपती येथील चमाडिया गोदामात आयटीसी (ITC) कंपनीचा माल साठवला जातो. हा माल डीलर्सपर्यंत पोहोचवण्यासाठी मूव्हिंग लॉजिस्टिक्स प्रा. लि. कडे कंत्राट आहे. त्यांच्या इलेक्ट्रिक पिकअप वाहनांमध्ये रात्रीच माल भरून ठेवला जातो. १७ डिसेंबरच्या पहाटे एका अनोळखी चोरट्याने संधी साधून माल भरलेले इलेक्ट्रिक पिकअप वाहन थेट गेटमधून बाहेर काढले आणि सुमारे ६६ लाख रुपयांच्या सिगारेट आणि इतर वस्तूंची चोरी केली होती.
advertisement
७२ तासांत पोलिसांची मोठी कामगिरी
पुणे ग्रामीण पोलीस अधीक्षक संदीपसिंह गिल्ल यांनी दिलेल्या माहितीनुसार, पोलीस कॉन्स्टेबल उमेश कुतवळ यांनी तांत्रिक तपासाच्या आधारे वाघोली परिसरात संशयित वाहनाचा शोध घेतला. तिथे एक वाहन हॉटेलसमोर माल उतरवताना आढळले. पोलिसांनी वाहनाचा चालक, मालक आणि सुपरवायझर यांची कसून चौकशी केली असता धक्कादायक माहिती समोर आली. गोदामाचा सुपरवायझर प्रथमेश चव्हाण यानेच आपल्या दोन साथीदारांना (दीपक ढेरंगे आणि अल्ताफ मुल्ला) हे वाहन चोरण्यासाठी मदत केल्याची कबुली दिली.
पोलिसांनी याप्रकरणी मुख्य आरोपी प्रथमेश ज्ञानेश्वर चव्हाण (रा. वाघोली) याला बेड्या ठोकल्या आहेत. त्याच्याकडून चोरीला गेलेला संपूर्ण माल आणि गुन्ह्यात वापरलेले वाहन असा एकूण ६८ लाख रुपयांचा मुद्देमाल हस्तगत करण्यात आला आहे. या गुन्ह्यातील इतर दोन आरोपी सध्या फरार असून पोलीस त्यांचा शोध घेत आहेत. ही कामगिरी पोलीस अधीक्षक संदीप गिल्ल आणि वरिष्ठ अधिकाऱ्यांच्या मार्गदर्शनाखाली रांजणगाव पोलिसांनी फत्ते केली.