Krishi Market: शेतकरी मालामाल होणार, शेवगा बाजारात तेजी; आले, गुळाचे भाव काय?

राज्याच्या मार्केटमध्ये आज एकूण 3750 क्विंटल गुळाची आवक झाली. यापैकी सांगली बाजारात 2010 क्विंटल सर्वाधिक आवक राहिली. त्यास प्रतीनुसार 3350 ते 4350 रुपये प्रतिक्विंटल प्रमाणे बाजारभाव मिळाला. तसेच मुंबई मार्केटमध्ये आवक झालेल्या 665 क्विंटल गुळास 5450 रुपये सर्वाधिक सर्वसाधारण बाजारभाव मिळाला.

राज्याच्या मार्केटमध्ये आज केवळ 7 क्विंटल शेवग्याची आवक झाली. यापैकी पुणे बाजारात आवक झालेल्या 3 क्विंटल शेवग्यास सर्वाधिक 35000 रुपये प्रतिक्विंटल प्रमाणे सर्वाधिक बाजारभाव मिळाला. तसेच मुंबई मार्केटमध्ये आवक झालेल्या 4 क्विंटल शेवग्यास 18000 ते 20000 रुपयांपर्यंत बाजारभाव मिळाला.

आज राज्याच्या मार्केटमध्ये 1611 क्विंटल आल्याची एकूण आवक राहिली. यापैकी मुंबई मार्केटमध्ये 924 क्विंटल आल्याची सर्वाधिक आवक झाली. त्यास प्रतीनुसार 3000 ते 5400 रुपये बाजारभाव मिळाला. तसेच नागपूर मार्केटमध्ये आवक झालेल्या 5 क्विंटल आल्यास प्रतीनुसार 6000 ते 7000 रुपये दरम्यान सर्वाधिक बाजारभाव मिळाला. पुढील महिनाभर आल्याची आवक कमीच राहण्याचा अंदाज आले बाजारातील जाणकार सांगतात.