Smart Bra Fingerprint Lock : आता आली स्मार्ट ब्रा; हुक नाही, फिंगरप्रिंटनेच उघडता येणार

बाजारात वेगवेगळ्या प्रकारच्या ब्रा उपलब्ध. ब्रा कोणत्याही प्रकारची असो एकतर त्या पूर्ण इलॅस्टिक असतात म्हणजे घालताना ताणल्या जातात. नाहीतर त्यांना हुक असतात. काही ब्रा अशा असतात ज्या स्किनला चिकटतात. पण तुम्ही कधी फिंगरप्रिंट लॉक ब्रा पाहिली आहे का?

फिंगरप्रिंट लॉक असलेली ब्रा हे वाचून आश्चर्य वाटलं असेल. कारण आतापर्यंत तुम्ही तुमच्या मोबाईलला फिंगरप्रिंट ठेवलं असेल, काही ठिकाणी फिंगरप्रिंट वापरलं जातं. पण ब्राला फिंगरप्रिंट हे थोडं विचित्रच आहे.

पण एका जपानी विद्यार्थ्याने ही स्मार्ट ब्रा तयार केली आहे जी फिंगरप्रिंटने अनलॉक होते. ही टेक्नॉलॉजी प्रायव्हसी आणि सुरक्षिततेबद्दल एक नवीन दृष्टीकोन दाखवते.

तिने 19 जुलै 2024 रोजी एक्स या सोशल मीडियावर या ब्राबाबतचा व्हिडीओ पोस्ट केला होता ज्यात तिने तिने फसवणूक टाळण्यासाठी फिंगरप्रिंट ओळखणारी ब्रा तयार केल्याचं सांगितलं. या ब्रा आता पुन्हा सोशल मीडियावक चर्चेत आली आहे.

जरी ही स्मार्ट ब्रा अद्याप बाजारात आली नसली तरी ही कल्पना आपल्याला दररोजच्या वापराच्या वस्तू किती स्मार्ट बनू शकतात याचा विचार करण्यास भाग पाडतात.  म्हणून पुढच्या वेळी जेव्हा तुम्हाला तुमचा फोन सर्वात हाय-टेक वाटेल तेव्हा लक्षात ठेवा की जपानमधील ब्रा तुमच्या फोनपेक्षा स्मार्ट झाली आहे. (सर्व फोटो : सोशल मीडिया)