Singer Geeta Patnaik Death : कार्यक्रमात तब्येत बिघडली आणि प्रसिद्ध गायिकेचा अचानक मृत्यू; गीता पटनायक यांना काय झालं होतं?

प्रसिद्ध गायिका गीता पटनायक यांचा मृत्यू झाला आहे. वयाच्या 73 व्या वर्षी त्यांनी जगाचा निरोप घेतला आहे. रविवारी संध्याकाळी रुग्णालयात त्यांनी अखेरचा श्वास घेतला.

गीता पटनायक ओडिया संगीतातील लोकप्रिय आणि प्रसिद्ध आवाज. गुरुवारी एका कार्यक्रमात असताना त्यांची तब्येत बिघडली.

त्यांना कटकमधील एका प्रायव्हेट हॉस्पिटलमध्ये दाखल करण्यात आलं. पण त्यांना वाचवता आलं नाही, उपचारादरम्यान त्यांचं निधन झालं.

टेस्टमध्ये त्यांना ब्रेन स्ट्रोक झाल्याचं उघड झालं. उपचारादरम्यान डॉक्टरांनी रविवारी त्यांना ब्रेन डेड घोषित केलं.

त्यांनी अनेक लोकप्रिय ओडिया गाण्यांना आपला आवाज दिला. त्यांच्या कारकिर्दीत त्यांनी अनेक कलाकार आणि संगीतकारांसोबत काम केलं. पण प्रसिद्ध ओडिया गायिका अक्षया मोहंती यांच्यासोबतच्या सहकार्यासाठी त्या प्रसिद्ध आहेत.