TRENDING:
मैत्रीच्या जाळ्यात ओढून 'गेम'
मिळालेल्या माहितीनुसार, मनप्रीत सिंग केंथ उर्फ करन (वय ३५, रा. मालाड वेस्ट, मुंबई) याने एका २६ वर्षीय तरुणीशी ओळख वाढवून तिला प्रेमाच्या जाळ्यात ओढले. त्यानंतर लग्नाचे प्रलोभन दाखवून तिच्याशी वेळोवेळी शरीरसंबंध प्रस्थापित केले. हा सर्व प्रकार जून २०२५ पासून ५ फेब्रुवारी २०२६ दरम्यान घडला.
विश्वास संपादन करून आर्थिक लुटमार
advertisement
तरुणीचा पूर्ण विश्वास संपादन केल्यानंतर आरोपीने तिला स्वतःच्या गरजांसाठी लोन काढण्यास भाग पाडले. "मी कर्जाचे हप्ते नियमित भरेन," असे खोटे आश्वासन देऊन त्याने तरुणीकडून तब्बल २ लाख ७० हजार रुपये घेतले. एवढ्यावरच न थांबता, "दोन तासांसाठी तुझा फोन पाहिजे," असे सांगून त्याने तरुणीचा ७५ हजार रुपये किमतीचा महागडा मोबाईल देखील स्वतःकडे घेतला. त्यानंतर आरोपीने आपले तिच्यासोबतचे सर्व संपर्क बंद केले आणि तो पसार झाला.
विश्रांतवाडी पोलिसांत गुन्हा दाखल
आपली शारीरिक आणि आर्थिक फसवणूक झाल्याचे लक्षात येताच पीडित तरुणीने विश्रांतवाडी पोलीस ठाण्यात धाव घेतली. पोलिसांनी दिलेल्या माहितीनुसार, आरोपी मनप्रीत सिंग याच्या विरुद्ध विविध कलमान्वये गुन्हा दाखल करण्यात आला असून, पोलीस त्याचा शोध घेत आहेत.