पुणेकरांनो, ATMमध्येही सावधान! हसत बोलला, मदतही केली पण जाता जाता तरुण मोठा गेम करून गेला, समजताच मोठा धक्का

काय घडली नेमकी घटना?

टाकळी भीमा येथील रहिवासी दत्तात्रय संपत वडघुले हे पुणे जिल्हा मध्यवर्ती सहकारी बँकेच्या एटीएममध्ये पैसे काढण्यासाठी गेले होते. त्यावेळी त्यांच्या मागे उभ्या असलेल्या एका अज्ञात तरुणाने "मी मदत करतो" असे म्हणत त्यांना १० हजार रुपये काढून दिले. मात्र, हे करत असताना त्याने अत्यंत शिताफीने वडघुले यांचे मूळ एटीएम कार्ड स्वतःकडे ठेवून त्यांना दुसरेच बनावट कार्ड हातात टेकवले.

advertisement

ते कांड करण्यासाठी राजस्थानवरून पुण्यात आला तरुण; सकाळी सकाळी पुणे-मुंबई एक्सप्रेसवेवर उभा राहिला अन्.. पोलीसही चक्रावले

वडघुले घरी परतल्यानंतर काही वेळातच त्यांच्या मोबाईलवर ४० हजार रुपये काढल्याचा मेसेज आला. त्यानंतर दुसऱ्या दिवशी पुन्हा २० हजार रुपये काढल्याचा मेसेज आल्याने त्यांना धक्काच बसला. बँकेत चौकशी केली असता, त्यांच्या मूळ कार्डाचा वापर करून कोणीतरी पैसे लांबवल्याचे स्पष्ट झाले. याप्रकरणी शिक्रापूर पोलिसांनी अज्ञात तरुणाविरुद्ध गुन्हा दाखल केला असून सीसीटीव्ही (CCTV) फुटेजच्या आधारे तपास सुरू केला आहे.