TRENDING:
पुणे-नांदेड एक्सप्रेसला मिळाला नवीन थांबा
गाडी क्रमांक 17630 हजर साहिब नांदेड–पुणे एक्सप्रेस आता पुणे स्टेशनऐवजी हडपसर स्थानकावर सकाळी 4.35 वाजता पोहोचणार आहे. या बदलामुळे पुणे शहराच्या पूर्व भागातील प्रवाशांना अधिक सोयीचा लाभ मिळणार आहे. विशेषतः हडपसर, मांजरी, फुरसुंगी आणि आसपासच्या परिसरातील प्रवाशांसाठी हा बदल उपयुक्त ठरणार आहे.
दरम्यान, हडपसर स्थानकावर उतरल्यानंतर पुणे स्टेशनकडे जाणाऱ्या प्रवाशांसाठी पर्यायी रेल्वे सुविधाही उपलब्ध करून देण्यात आली आहे. हडपसर येथून सकाळी 5.25 वाजता सुटणारी गाडी क्रमांक 11422 सोलापूर–पुणे डेमू ट्रेन प्रवाशांसाठी उपलब्ध असेल. या डेमू ट्रेनच्या माध्यमातून प्रवाशांना सहजपणे पुणे स्टेशनपर्यंत पोहोचता येणार आहे.
advertisement
मध्य रेल्वे प्रशासनाने प्रवाशांनी या बदलाची नोंद घ्यावी आणि आपल्या प्रवासाचे नियोजन त्यानुसार करावे, असे आवाहन केले आहे तसेच अधिक माहितीसाठी अधिकृत रेल्वे संकेतस्थळ किंवा नजीकच्या रेल्वे स्थानकाशी संपर्क साधावा असेही सांगण्यात आले आहे. हा बदल तात्पुरता की कायमस्वरूपी याबाबत पुढील सूचना रेल्वेकडून दिल्या जाणार आहेत.