'दुडम काकांचा फोन आला अन् आयुषची आई धावत आली', रक्ताच्या थारोळ्यात लेकाला पाहून फोडला हंबरडा; त्या दिवशी काय घडल?

आयुष कोमकरची आई आणि वनराज आंदेकरची बहीण कल्याणी गणेश कोमकरने तक्रार केली आहे. त्यानंतर प्रकरणी पोलिसांनी नाना पेठेतील डोके तालमी परिसरातील आंदेकर टोळीच्या 11 जणांवर गुन्हा दाखल केला आहे. आयुषच्या आईने पोलिसांना सांगितले की वनराज आंदेकर याचा खुन झाल्यापासून आंदेकर टोळीतील लोक बदला घेण्यासाठी आमच्यावर पाळत ठेवून आहेत . ५ सप्टेंबर रोजी सायंकाळी ७.३० वाजताच्या सुमारास घरामध्ये एकटीच असतांना मला बिल्डींगमधील अश्विनी आणि दुडम काका यांनी फोन करुन कळविले की, तुमचा मोठा मुलगा आयुष यास कुणीतरी मारहाण केली आहे. म्हणुन मी बिल्डींगच्या खाली येऊन पाहिले असता पार्किंगमध्ये लोकांची गर्दी होती तसेच माझा मोठा मुलगा आयुष हा रक्तबंबाळ अवस्थेत पार्किंगमध्ये जमीनीवर पडलेला होता. माझा लहान मुलगा अर्णव हा रडत होता.

advertisement

आयुषच्या आईने ओळखले आरोपी

आयुषला जास्त प्रमाणात रक्तस्त्राव होत असल्याने बिल्डींगमधील पार्कींगमधील असलेल्या क्लिनिकच्या डॉक्टरांना बोलावले त्यावेळी त्यांनी तपासणी करून पुढील उपचारासाठी ससून रुग्णालयात जाण्यास सांगितले. थोड्याच वेळात तेथे अॅम्बलुन्स व पोलीस आले आणि आयुषला घेऊन गेले. त्यानंतर पोलीस स्टेशनला गेल्यानंत आमच्या पार्कींगमधील बिल्डींगचे सीसीटीव्ही फुटेज पोलीसांनी दाखविले. गोळीबार करणारे हे आंदेकर टोळीसाठी काम करत असल्याचे मी ओळखले त्यानंतर तक्रार दाखल केल्याचे आयुषच्या आईने म्हटले.

कल्याणी कोमकरने नेमकं फिर्यादीत काय म्हटले?

पोलिसांनी दिलेल्या माहितीनुसार, आरोपी गणेश कोमकरचा मुलगा आयुष हा नाना पेठेतील एका सोसायटीत राहायला होता. शुक्रवारी 5 सप्टेंबरला सायंकाळी 8 वाजेच्या सुमारास तो दुचाकीवरून लक्ष्मी कॉम्प्लेक्स सोसायटीत आलेला. तो तळमजल्यावर दुचाकी लावत होता, त्या वेळी दबा धरून बसलेल्या अमन खान, यश पाटील यांनी त्याच्यावर 11 गोळ्या झाडल्या..आयुषच्या खुनाचा कट बंडुअण्णा आंदेकर आणि इतर आरोपींनी रचल्याचं कल्याणी कोमकरचं यांनी फिर्यादीत लिहिलंय.