तिसरं महायुद्ध अटळ, इराण-इस्रायलपासून झाली सुरुवात? बाबा वेंगांची जगाला धडकी भरवणारी भविष्यवाणी

नेमकी परिस्थिती काय आहे?

इस्रायल आणि इराणमधील हा संघर्ष आता केवळ 'छुप्या युद्धा'पुरता मर्यादित राहिलेला नाही, तर तो थेट आमनेसामनेच्या लढाईत बदलला आहे. इराणचा ऑटोमिक इव्हेंट आणि मध्यपूर्वेतील वाढता प्रभाव रोखण्यासाठी इस्रायल आणि अमेरिकेने ही मोठी लष्करी कारवाई केली. इराणने प्रत्युत्तरात इस्रायलमधील शहरे आणि आखाती देशांमधील अमेरिकन लष्करी तळांवर क्षेपणास्त्रे डागली आहेत. या युद्धामुळे भीती निर्माण झाली आहे.

advertisement

बाबा वेंगा यांची 2026 साठीची भविष्यवाणी

बाबा वेंगा यांनी त्यांच्या मृत्यूपूर्वी 2026 सालासाठी काही धक्कादायक भाकिते केली होती, जी सध्याच्या जागतिक परिस्थितीशी मिळतीजुळती असल्याचे मानले जात आहे. बाबा वेंगा यांच्या मते, 2026 मध्ये एका मोठ्या जागतिक युद्धाची सुरुवात होईल. विशेष म्हणजे, त्यांनी या युद्धाची ठिणगी 'पूर्वेकडून' पडेल, असा उल्लेख केला होता. सध्या आशिया आणि मध्यपूर्वेतील स्थिती पाहता, ही भविष्यवाणी खरी ठरत असल्याचा दावा सोशल मीडियावर केला जात आहे. या युद्धाचा सर्वाधिक परिणाम युरोपवर होईल आणि तेथील लोकसंख्या मोठ्या प्रमाणात घटू शकते, असेही त्यांनी सुचवले होते. बाबा वेंगा यांनी म्हटले होते की, या संघर्षात रशिया एक शक्तिशाली देश म्हणून समोर येईल.

इस्रायल-इराण तणाव आणि भीतीचे वातावरण

फेब्रुवारीच्या अखेरीस आणि मार्च 2026 च्या सुरुवातीला इस्रायलने अमेरिकेच्या मदतीने इराणवर केलेली मोठी लष्करी कारवाई, यामुळे जागतिक शांतता धोक्यात आली आहे. तेहरानमधील महत्त्वाच्या लष्करी तळांवर झालेले हल्ले आणि इराणचा पलटवार यामुळे पूर्ण मध्यपूर्व युद्धभूमी बनले आहे. एका बाजूला इस्रायल-अमेरिका आणि दुसऱ्या बाजूला इराणला समर्थन देणारे गट यामुळे जगाची विभागणी दोन गटांत होताना दिसत आहे, जे महायुद्धाचे मुख्य लक्षण मानले जाते.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)