करिअरमध्ये 'टॉप'वर असूनही लग्नात येतोय अडथळा? घरातील 'ही' दिशा ठरते जबाबदार!

नैऋत्य दिशेतील बिघाड

नैऋत्य दिशा ही पूर्वजांची आणि नात्यांमधील स्थिरतेची दिशा मानली जाते. जर या दिशेला पाण्याचे टाके असेल किंवा ही दिशा घराच्या इतर भागांपेक्षा खूप जास्त खोल असेल, तर विवाहात मोठे अडथळे येतात. यामुळे आलेली स्थळे विनाकारण नाकारली जातात किंवा बोलणी फिसकटतात. या दिशेला जड वस्तू ठेवाव्यात. तसेच, पितरांचा फोटो सोन्याच्या किंवा पिवळ्या रंगाच्या चौकटीत या दिशेला लावल्यास पितरांचा आशीर्वाद मिळून लग्नाचे मार्ग मोकळे होतात.

advertisement

ईशान्य दिशेतील जडत्व

ईशान्य दिशा ही ईश्वराची दिशा मानली जाते आणि ती नेहमी हलकी आणि स्वच्छ असणे गरजेचे आहे. जर या कोपऱ्यात जड वस्तू, कचरा किंवा पायऱ्या असतील, तर घरामध्ये नकारात्मक ऊर्जा साठते. वास्तूनुसार, ईशान्येतील दोषामुळे व्यक्तीचे विचार अस्पष्ट राहतात आणि निर्णय घेण्यास विलंब होतो. ही दिशा नेहमी रिकामी आणि स्वच्छ ठेवावी. येथे निळ्या किंवा जांभळ्या रंगाच्या वस्तू वापरल्यास विचारांमध्ये स्पष्टता येते आणि योग्य जोडीदार निवडणे सोपे जाते.

वायव्य दिशा आणि झोपण्याची जागा

विवाहोत्सुक मुला-मुलींच्या बेडरूमची दिशा त्यांच्या लग्नावर मोठा परिणाम करते. जर लग्नाचे वय असलेल्या मुलीने दक्षिण-पश्चिम किंवा नैऋत्य खोलीत झोपणे चालू ठेवले, तर तिला घरातून बाहेर पडणे कठीण जाते. लग्ना योग्य मुलीसाठी वायव्य ही सर्वोत्तम दिशा आहे. ही दिशा 'वायू' तत्त्वाची आहे, जी बदलाला आणि गतीला चालना देते. मुलीने वायव्य कोपऱ्यातील खोलीत झोपावे. यामुळे विवाहाचे योग लवकर जुळून येतात. तसेच, लग्नायोग्य मुलाने आग्नेय कोपऱ्यात झोपणे टाळावे.

रंगांचा आणि इतर वस्तूंचा प्रभाव

बेडरूममधील रंग आणि बेडशीटचा रंग देखील विवाहाच्या ऊर्जेवर परिणाम करतो. गडद लाल किंवा खूप गडद रंग टाळावेत. खोलीच्या भिंतींना फिकट गुलाबी, पिवळा किंवा क्रीम रंग दिल्यास सकारात्मकता वाढते. पांढऱ्या किंवा गुलाबी रंगाच्या बेडशीटचा वापर केल्याने शुक्राचा प्रभाव वाढतो, जो विवाहाचा कारक आहे.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)