Pradosh Vrat: भौम प्रदोष आणि मासिक शिवरात्री एकत्र येण्याचा दुर्मिळ योग, या मुहूर्तावर करा शिवपूजा

प्रदोष व्रत 2024 चे महत्त्व -

या वर्षातील पहिला प्रदोष व्रत आज मंगळवारी आहे, त्यामुळे त्याला भौम प्रदोष म्हणून ओळखले जाते. या शुभ दिवशी समर्पण आणि भक्तिभावानं भगवान शिव आणि देवी पार्वतीची उपासना केल्यास भक्तांना इच्छित फळ मिळते. भौम प्रदोष व्रतात देवांची पूजा केल्याने सौभाग्य, समृद्धी आणि आनंद मिळतो. काही भक्त या दिवशी भगवान शिवाची नटराजाच्या रूपात पूजा करतात. असे मानले जाते की, हे व्रत पाळल्यानंतर माता पार्वतीला भगवान भूत भवन म्हणजेच भगवान शंकर सापडले. या व्रताचे पालन केल्यानं घरात सर्व प्रकारच्या सुख-सुविधा, वैभव प्राप्त होतात आणि इच्छित परिणाम मिळतात. या व्रतासाठी संध्याकाळी भगवान शंकराची विशेष पूजा केली जाते.

advertisement

#RamAyenge : उत्सुकता शिगेला, अयोध्येत पोहोचली 5 किलो शुद्ध चांदीची अखंड ज्योत

प्रदोष व्रताचा शुभ मुहूर्त -

पंचांगानुसार मार्गशीर्ष महिन्यातील कृष्ण पक्षातील त्रयोदशी तिथी 8 जानेवारी रोजी रात्री 11.26 पासून सुरू होत आहे. ही तिथी दुसऱ्या दिवशी मंगळवारी, 9 जानेवारी रोजी रात्री 10:18 वाजता संपेल. प्रदोष व्रताच्या दिवशी प्रदोष काळात भगवान शिवाची पूजा केली जाते, म्हणून 9 जानेवारीला प्रदोष व्रत पाळले जाईल. भगवान शंकराची पूजा करण्याचा शुभ मुहूर्त संध्याकाळी 05:13 ते रात्री 8 आहे.

प्रदोष व्रत पूजा नियम -

प्रदोष व्रतात भगवान शिवाची पूजा करण्यासाठी संध्याकाळ ही सर्वोत्तम वेळ मानली जाते. शिवभक्तांनी भौम प्रदोषाच्या दिवशी पहाटे उठून पवित्र स्नान करावे. यानंतर देव्हारा स्वच्छ करावा. त्यानंतर शिव परिवाराच्या मूर्तीची प्रतिष्ठापना करून त्यांच्यासमोर दिवा लावावा. यानंतर देवाला फुले, मिठाई आणि फळे अर्पण करा आणि शिवाच्या मंत्रांचा जप करा. आरतीने पूजेची सांगता करा, शेवटी शंख वाजवा. यानंतर सात्विक भोजनाने भक्त उपवास सोडू शकतात.

बाळासाठी खास असं नाव शोधताय? मग श्री रामावरून ही 6 युनिक नावं पाहून घ्या

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)