Shardiya Navratri 2023: नवरात्रीत उपवास करणार असाल तर या गोष्टींकडे द्या विशेष लक्ष

जर तुम्हीही नवरात्राचं व्रत करत असाल तर या काळात काही गोष्टींकडे विशेष लक्ष देण्याची गरज आहे. नवरात्रामध्ये कोणत्या गोष्टींकडे विशेष लक्ष द्यावं? याबद्दल अयोध्येतील ज्योतिषी पंडित कल्की राम सांगतात की, नवरात्रामध्ये जगदंबेच्या नऊ रूपांची पूजा केली जाते. नवरात्राच्या काळात देवीला प्रसन्न करण्यासाठी अनेक उपाय केले जातात. या शिवाय नवरात्रात काही गोष्टींकडे विशेष लक्ष देण्याची गरज आहे. जेणेकरून तुमचा उपवास खंडित होऊ नये आणि तुम्हाला तुमच्या व्रताचा पूर्ण लाभ मिळू शकेल.

advertisement

कलशची प्रतिष्ठापना करा

नवरात्राच्या काळात पहिल्या दिवशी कलशाची प्रतिष्ठापना करून नवरात्राचा उपवास करण्याचा संकल्प करा. नवरात्राच्या पहिल्या दिवशी कलशाची प्रतिष्ठापना करावी. ही प्रतिष्ठापना प्रतिपदेला केली जाते.

दररोज अखंड ज्योत लावा

शारदीय नवरात्रीचं व्रत ठेवल्यास नवरात्रीच्या प्रतिपदा तिथीपासून दशमी तिथीपर्यंत दररोज अखंड ज्योत प्रज्ज्वलित करावी. दररोज अखंड ज्योत प्रज्ज्वलित केल्याने दुर्गामाता प्रसन्न होऊन भक्तांच्या सर्व मनोकामना पूर्ण करते, अशी मान्यता आहे.

रोज आरती करा

नवरात्रीच्या काळात सकाळ-संध्याकाळ दुर्गामातेची आरती करावी आणि तिच्या आवडत्या पदार्थांचा नैवेद्य दाखवावा, असं केल्यास देवी तुमच्यावर प्रसन्न होईल.

Navratri Fasting Rules 2023: शारदीय नवरात्रीचा उपवास करताना 'या' चुका टाळा

नवरात्रामध्ये या वस्तू अवश्य अर्पण करा

नवरात्रीचा उपवास 9 दिवस केला जातो ज्यामध्ये देवीच्या नऊ वेगवेगळ्या रूपांची पूजा करण्याचा नियम आहे, अशा स्थितीत नवरात्राच्या वेगवेगळ्या दिवशी जगदंबेला लाल वस्त्र अर्पण करावीत, लाल फुलं अर्पण करावीत.असं केल्याने दुर्गामातेचा विशेष आशीर्वाद प्राप्त होतो.

या गोष्टींकडे विशेष लक्ष द्या

नवरात्रात काही गोष्टींकडे विशेष लक्ष देण्याची गरज आहे. नवरात्राच्या काळात घराची स्वच्छता केलीच पाहिजे. शरीर आणि मन दोन्ही स्वच्छ असले पाहिजे. उपवासावेळी देवीची पूजा विधीनुसार करावी.

पितृपक्षात कावळा अशा पद्धतीनं देतो शुभ-अशुभ संकेत, पूर्वज अतृप्त असतील तर..?

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)