आई की बायको, पाकिटात कोणाचा फोटो ठेवावा? एकत्र फोटो ठेवण्याची करत असाल चूक, तर सावध व्हा!

आईचा फोटो पाकिटात कधी ठेवावा?

ज्योतिषशास्त्रात 'चंद्र' हा मनाचा आणि मातेचा कारक मानला जातो. जर तुमच्या कुंडलीत चंद्र कमजोर असेल किंवा तुम्हाला मानसिक तणाव जाणवत असेल, तर आईचा फोटो पाकिटात ठेवणे अत्यंत शुभ मानले जाते. आईचा फोटो पाकिटात ठेवल्याने चंद्राची स्थिती सुधारते. यामुळे व्यक्तीला मानसिक शांती मिळते आणि विनाकारण होणारा खर्च कमी होतो. ज्यांना खूप राग येतो किंवा जे लोक नेहमी संभ्रमात असतात, त्यांनी आईचा आशीर्वाद घेतानाचा फोटो जवळ ठेवावा.

advertisement

पत्नीचा फोटो पाकिटात कधी ठेवावा?

पत्नीला घराची 'लक्ष्मी' मानले जाते आणि ज्योतिषशास्त्रात पत्नीचा संबंध 'शुक्र' ग्रहाशी असतो. शुक्र हा सुख-सुविधा, ऐश्वर्य आणि संपत्तीचा कारक आहे. पाकिटात हसऱ्या चेहऱ्याचा पत्नीचा फोटो ठेवल्याने शुक्राचा प्रभाव वाढतो. यामुळे तुमच्या आयुष्यात भौतिक सुखे वाढतात आणि उत्पन्नाचे नवीन मार्ग मोकळे होतात. ज्या पुरुषांना व्यवसायात प्रगती हवी आहे किंवा ज्यांना लक्झरी आयुष्य जगायचे आहे, त्यांनी पत्नीचा फोटो पाकिटात ठेवावा.

दोघांचा फोटो एकत्र का ठेवू नये?

अनेकांना सवय असते की ते आई आणि पत्नी या दोघांचेही फोटो पाकिटात ठेवतात, पण शास्त्रांनुसार हे टाळले पाहिजे. आई ही शांतता आणि संस्कारांचे प्रतीक आहे, तर पत्नी ही ओढ आणि ऐश्वर्याचे प्रतीक आहे. पाकिटात या दोन भिन्न ऊर्जा एकत्र आल्यास तुमच्या मनात 'भावनिक आणि व्यावहारिक' द्वंद्व निर्माण होऊ शकते. यामुळे कधीकधी अनावश्यक खर्च वाढतो किंवा घरातील शांतता भंग होऊ शकते. ज्योतिष तज्ज्ञांच्या मते, तुमच्या सध्याच्या गरजेनुसार कोणत्याही एकाच व्यक्तीचा फोटो पाकिटात ठेवणे अधिक श्रेयस्कर ठरते.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)