TRENDING:
उत्तर दिशेला डोके ठेवणे: सर्वात मोठी चूक
वास्तुशास्त्र आणि विज्ञानानुसार, उत्तर दिशेला डोके ठेवून झोपणे सर्वात जास्त हानिकारक मानले जाते. पृथ्वीमध्ये चुंबकीय शक्ती असते, जी उत्तरेकडून दक्षिणेकडे वाहते. आपल्या शरीरातही रक्तप्रवाहामुळे एक प्रकारचे चुंबकीय क्षेत्र असते. जेव्हा आपण उत्तरेकडे डोके करून झोपतो, तेव्हा पृथ्वीची चुंबकीय शक्ती आणि आपल्या शरीरातील ऊर्जा यांच्यात संघर्ष होतो. यामुळे रक्ताभिसरण विस्कळीत होऊन डोकेदुखी, निद्रानाश आणि मानसिक तणाव वाढू शकतो.
advertisement
हिंदू धर्मात उत्तर दिशेला पाय करून झोपण्यास सांगण्यात आले आहे, मात्र डोके ठेवणे वर्ज्य आहे. असे मानले जाते की, या दिशेला डोके ठेवल्याने नशीब साथ देत नाही आणि आयुष्यात नकारात्मकता वाढते.
दक्षिण दिशा: सर्वोत्तम पर्याय
वास्तुशास्त्रानुसार, दक्षिण दिशेला डोके ठेवून झोपणे सर्वात शुभ आणि लाभदायक मानले जाते. या दिशेला डोके ठेवल्याने पृथ्वीच्या चुंबकीय लहरी शरीराशी सुसंगत राहतात, ज्यामुळे गाढ झोप लागते. दक्षिण ही यमाची दिशा असली तरी, झोपण्यासाठी ती सर्वात जास्त सकारात्मक मानली जाते. यामुळे सुख, समृद्धी आणि दीर्घायुष्य लाभते, असे शास्त्र सांगते.
इतर दिशांचे परिणाम
पूर्व दिशा विद्यार्थ्यांसाठी आणि शिक्षकांसाठी ही दिशा सर्वोत्तम आहे. पूर्वेकडे डोके ठेवल्याने एकाग्रता आणि स्मरणशक्ती वाढते. नवविवाहित जोडप्यांसाठीही ही दिशा शुभ मानली जाते. पश्चिम दिशा 'मध्यम' मानली जाते. जर तुम्हाला प्रसिद्धी किंवा कीर्ती हवी असेल, तर पश्चिमेकडे डोके ठेवल्याने फायदा होतो, असे काही वास्तुतज्ज्ञ मानतात. मात्र, काहींच्या मते यामुळे स्वप्नांचा त्रास होऊ शकतो.
टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)