TRENDING:
प्रेरणा जगताप यांनी सांगितले की, गेल्या अनेक वर्षांपासून पिंपरी चिंचवड महानगरपालिका आणि कौशल्यम लाईट हाऊस यांच्या माध्यमातून हा उपक्रम राबवण्यात येत आहे. या उपक्रमामध्ये आर्टिफिशियल इंटेलिजन्स कोडिंग, ग्राफिक डिझायनिंग, ब्युटी पार्लर, कॅफे मॅनेजमेंट, मोबाईल रिपेअरिंग, बँकिंग ऑफिसर, फॅशन डिझायनिंग अशा अनेक प्रकारचे कोर्स मोफत शिकण्याची संधी उपलब्ध आहे. हा कोर्स पूर्ण झाल्यानंतर उमेदवारांना नोकरीच्या संधी देखील उपलब्ध करून दिल्या जातात.
advertisement
APMC Market: लिंबाला 10958 रुपये भाव, कांदा आणि केळीला काय मिळाला भाव? इथं चेक करा
पिंपरी चिंचवडमध्ये जवळपास 11 ठिकाणी या उपक्रमाची केंद्रे कार्यरत आहेत. पिंपरी, निगडी, चिंचवड, भोसरी, बोऱ्हाडेवाडी, बोपखेल, दापोडी, नेहरूनगर, किवळे आणि आकुर्डी तसेच इतर अनेक भागांमध्ये ही केंद्रे आहेत. इच्छुक उमेदवारांना सोयीस्कर असलेल्या कोणत्याही केंद्रावर जाऊन कोर्स करता येतो. हे सर्व कोर्सेस विनामूल्य आहेत.
कुठे नावनोंदणी करायची?
पिंपरी-चिंचवडमध्ये पिंपरी, निगडी, चिंचवड, भोसरी, बोऱ्हाडेवाडी, बोपखेल, दापोडी, नेहरूनगर, किवळे आणि आकुर्डी अशा अनेक ठिकाणी कौशल्यम लाईट हाऊसची केंद्रे सुरू आहेत. इच्छुक तरुणांना जवळच्या कोणत्याही केंद्रावर जाऊन नावनोंदणी करता येते. अधिक माहितीसाठी 1800 202 0110 या हेल्पलाइन क्रमांकावर संपर्क साधू शकता किंवा kaushalyam@lighthousecommunities.org या ईमेलवरही माहिती मिळू शकते.
कौशल्यम लाईट हाऊस या उपक्रमाच्या माध्यमातून 2024-25 या कालावधीत तब्बल 1,204 तरुणांना नोकरी मिळाली आहे. त्यामुळे पिंपरी-चिंचवड परिसरातील तरुणांच्या करिअर घडवण्यासाठी हा उपक्रम महत्त्वाचा ठरत असल्याचे दिसून येत आहे.