सचिन तेंडुलकरचा मुलगा अर्जुन तेंडुलकर पुन्हा एकदा मैदानात उतरणार आहे. अर्जुनचे काही दिवसांपूर्वीच साखरपूडा पार पडला होता, त्यानंतर तो लवकरच मैदानात परतेल.2025-26 रणजी ट्रॉफीसाठी त्याची गोवा संघात निवड झाली आहे आणि तो 15 ऑक्टोबरपासून संघाकडून खेळेल.
अर्जुन गोव्याचा नियमित खेळाडू आहे आणि 2025 मध्ये त्याचा पहिला वरिष्ठ सामना खेळणार आहे. डिसेंबर 2024 पासून तो एकही देशांतर्गत सामना खेळलेला नाही.अर्जुन आयपीएल 2025 साठी मुंबई इंडियन्स संघाचा भाग होता पण तो बेंचवर राहिला.तो प्री-सीझन सामन्यांमध्ये गोव्याकडून खेळला होता, परंतु त्या सामन्यांची गणना केली जात नाही.
advertisement
अर्जुनने नोव्हेंबर 2024 मध्ये अरुणाचल प्रदेशविरुद्ध त्याचा शेवटचा प्रथम श्रेणी सामना खेळला होता. त्याने डिसेंबर 2024 मध्ये त्याचा शेवटचा लिस्ट ए सामना खेळला. 2024-25 हंगामात त्याने गोव्यासाठी तीन टी20 सामने खेळले.
2022-23 हंगामापूर्वी अर्जुन गोव्यात आला आणि त्याने संघासाठी तिन्ही फॉरमॅट खेळले आहेत.26 वर्षीय या खेळाडूने 17 प्रथम श्रेणी सामन्यांमध्ये 37 विकेट्स घेतल्या आहेत आणि 532 धावा केल्या आहेत. त्याने राजस्थानविरुद्ध शतकाने रणजी करिअरची सुरुवात केली.
2024-25 हंगामात गोव्याने प्लेट ग्रुप जिंकला आणि आता एलिट ग्रुपसाठी पात्रता मिळवली आहे. ते 15 ऑक्टोबर रोजी चंदीगडविरुद्ध त्यांच्या मोहिमेची सुरुवात करतील. त्यानंतर ते कर्नाटक, पंजाब, मध्य प्रदेश, सौराष्ट्र, महाराष्ट्र आणि केरळशी सामना करतील. या हंगामात, दीपराज गावकर गोवा क्रिकेट संघाचे नेतृत्व करेल, तर ललित यादव उपकर्णधार असेल.
रणजीच्या या मोसमासाठी गोव्याचा संघ :
दीपराज गावकर (कर्णधार), ललित यादव (उपकर्णधार), सुयश प्रभुदेसाई, मंथन खुटकर, दर्शन मिशाळ, मोहित रेडकर, समर दुबशी, हेरंब परब, विकास सिंग, विशेष प्रभुदेसाई, इशान गाडेकर, कश्यप बखले, राजशेखर हरिकांत, अर्जुन तेंडुलकर, अभिनव तेजराणा.