ENG vs WI : सलमान आगाने देव पाण्यात ठेवले! मॅचच्या 24 तास आधीच पाकिस्तानचं पॅकअप? दोन समीकरण सेमीफायनलमध्ये पोहचवणार

इंग्लंडने जर न्यूझीलंडचा पराभव केला तरच...

पाकिस्तान आणि श्रीलंका यांच्यात उद्या सामना खेळवला जाणार आहे. श्रीलंका आधीच सेमीफायनलच्या रेसमधून बाहेर झाली असताना आता पाकिस्तानकडे एक संधी आहे. त्यासाठी पाकिस्तानला श्रीलंकेविरुद्धचा सामना काहीही करून जिंकावा लागणार आहे. पण पाकिस्तानला एवढ्यावरच भागणार नाही. पाकिस्तानला याठिकाणी इंग्लंडची साथ घ्यावी लागणार आहे. इंग्लंडने जर न्यूझीलंडचा पराभव केला तरच असं शक्य होणार आहे.

advertisement

जर न्यूझीलंड जिंकली तर न्यूझीलंडला...

आज इंग्लंड आणि न्यूझीलंड यांच्यात सामना खेळवला जातोय. या सामन्यात जर न्यूझीलंड जिंकली तर न्यूझीलंडला थेट सेमीफायनलचं तिकीट मिळेल. पण जर इंग्लंड जिंकली तर पाकिस्तानसाठी सेमीफायनलचे दरवाजे खुले राहतील. त्यासाठी इंग्लंडला मोठ्या मार्जिनने न्यूझीलंडला हरवावं लागेल तर पाकिस्तानला देखील मोठ्या मार्जिनने श्रीलंकेचा पराभव करावा लागणार आहे. पाकिस्तानसाठी नेट रनरेट महत्त्वाचा ठरणार आहे.

पाकिस्तानसमोर एक रस्ता 

दरम्यान, इंग्लंड आणि न्यूझीलंड यांच्यातील सामना पावसामुळे रद्द जरी झाला तरी देखील पाकिस्तानला सेमीफायनलमध्ये पोहोचता येणार नाही. न्यूझीलंडकडे आधीच तीन पाईंट्स आहेत. आणि पाकिस्तान तीन पाईंट्स पर्यतच पोहोचू शकते. त्यामुळे न्यूझीलंडचा पराभव हाच एक रस्ता पाकिस्तानसमोर आहे. एवढंच नाही तर न्यूझीलंडचा नेट रनरेट +3.050 असल्याने पाकिस्तानसमोर डबल अडचणी उभ्या राहिल्या आहेत. पाकिस्तानला +3.050 चा आकडा पार करणं अवघड नाही तर अशक्य असं दिसतंय.