TRENDING:
रोहित शर्माच्या चाहत्याने टीम इंडियाची जर्सी उघडून त्यातून मुलीच्या नावाची घोषणा केली. तसंच रोहित शर्माप्रमाणेच या जर्सीचा क्रमांकही 45 होता. चाहत्याचा हा व्हिडिओ रोहित शर्मापर्यंत पोहोचला आणि मग रोहितनेही एक व्हिडिओ बनवून चाहत्यासाठी खास मराठीमध्ये व्हिडिओ बनवला आहे.
काय म्हणाला रोहित शर्मा?
'ठाकूर फॅमिली, तुम्हाला आमच्या शर्मा घरातून भरपूर शुभेच्छा, तुम्हाला मुलगी झाली आम्हाला हे ऐकून बरं वाटलं. भविष्यासाठी खूप शुभेच्छा, तुमचं आयुष्य खूप चांगलं जाईल, अशी आशा व्यक्त करतो', असं रोहित शर्मा म्हणाला आहे. रोहित शर्माचा हा व्हिडिओ पाहून ठाकूर कुटुंबाने एकच जल्लोष केला आणि मुंबईचा राजा रोहित शर्मा, अशा घोषणा दिल्या.
रोहित शर्माची तयारी सुरू
दरम्यान रोहित शर्माने आयपीएल 2026 च्या तयारीला सुरूवात केली आहे. रोहितने जिममधले तसंच मैदानातले काही फोटो त्याच्या सोशल मीडिया अकाऊंटवरून शेअर केले आहेत. 26 मार्चपासून आयपीएल 2026 ला सुरूवात होणार आहे. रोहित शर्मा मुंबई इंडियन्सकडून खेळताना दिसणार आहे.