9 सिक्स, 114 रन... हार्दिकने टीम सोडली अन् मित्राने धमाका केला, भारतीय खेळाडूचा डेब्यूमध्येच वर्ल्ड रेकॉर्ड!

अमित पासी टी-20 पदार्पणामध्येच शतक करणारा तिसरा भारतीय बनला आहे. 26 वर्षांच्या अमित पासीला जितेश शर्माची रिप्लेसमेंट म्हणून टीममध्ये घेण्यात आलं होतं, यानंतर पहिल्याच सामन्यात त्याने ऐतिहासिक खेळी केली आहे. अमित पासी टी-20 पदार्पणामध्ये सर्वाधिक रन करणारा संयुक्तरित्या पहिला बॅटर बनला आहे. अमित पासीने पाकिस्तानच्या बिलाल आसिफच्या वर्ल्ड रेकॉर्डची बरोबरी केली आहे. सियालकोटच्या बिलालने फॉलकन्सविरुद्ध खेळताना टी-20 पदार्पणामध्ये 114 रन केले होते.

advertisement

टी-20 पदार्पणामध्ये शतक करणारे खेळाडू

114 रन- अमित पासी- बडोदा- (2015)

114 रन- बिलाल आसिफ- सियालकोट स्टॅलियन्स (2015)

112 रन- मोईन खान- कराची डॉल्फिन (2005)

108 रन- एम स्पूर्स- कॅनाडा (2022)

106 रन- एस भांबरी- चंडीग (2019)

105 रन- पीए रेड्डी- हैदराबाद (2010)

104 रन- एलए डुनबा- सर्बिया (2019)

102 रन- अब्दुल्लाह शाफिक- सेंट्रल पंजाब (2020)

101 रन- रविंद्र पाल सिंह- कॅनाडा (2019)

100 रन- आसिफ अली- फैसलाबाद वोल्व्स (2011)

पहिल्याच सामन्यात प्लेअर ऑफ द मॅच

अमित पासीच्या शतकामुळे बडोद्याने 20 ओव्हरमध्ये 220 रनचा मोठा स्कोअर केला. या आव्हानाचा पाठलाग करण्यासाठी आलेल्या सर्व्हिसेसनेही जोरदार पलटवार केला. कुवार पाठक आणि रवी चौहान यांनी 51-51 रन केले, पण सर्व्हिसेसचा 13 रननी पराभव झाला. पहिल्याच सामन्यात शतक करणाऱ्या अमित पासीला प्लेअर ऑफ द मॅच देऊन गौरवण्यात आलं. या विजयासोबतच बडोदा ग्रुप सी च्या पॉईंट्स टेबलमध्ये 16 पॉईंट्ससह तिसऱ्या क्रमांकावर आहे. बडोद्याने 7 पैकी 4 मॅच जिंकल्या तर 3 सामन्यांमध्ये त्यांचा पराभव झाला. दुसरीकडे सर्व्हिसेसचा हा 7 सामन्यांमधला सहावा पराभव होता. सर्व्हिसेस पॉईंट्स टेबलमध्ये सगळ्यात खाली 8व्या क्रमांकावर आहे.