TRENDING:
अभिषेक शर्माला टी-20 फॉरमॅटमध्ये 5 हजार रन पूर्ण करण्यासाठी 82 रनची गरज होती. हे रेकॉर्ड अभिषेकने फक्त 33 बॉलमध्येच पूर्ण केलं. अभिषेकच्या आधी टी-20 मध्ये सगळ्यात जलद 5 हजार रन पूर्ण करण्याचा विश्वविक्रम वेस्ट इंडिजचा ऑलराऊंडर आंद्रे रसेलच्या नावावर होता. रसेलने 2,942 बॉलमध्ये 5 हजार रन पूर्ण केल्या.
टी-20 फॉरमॅटमध्ये सगळ्यात जलद 5 हजार रन
advertisement
अभिषेक शर्मा (भारत) - 2898 बॉल
आंद्रे रसेल (वेस्ट इंडिज)- 2942 बॉल
टीम डेव्हिड (ऑस्ट्रेलिया)- 3127 बॉल
विल जॅक्स (इंग्लंड)- 3,196 बॉल
ग्लेन मॅक्सवेल (ऑस्ट्रेलिया)- 3,239 बॉल
अभिषेक शर्माचं शतक या सामन्यात हुकलं, पण त्याने 84 रनची खेळी करून भारताला मोठ्या स्कोअरपर्यंत न्यायला मदत केली. न्यूझीलंडविरुद्धच्या सामन्यात टी-20 फॉरमॅटमध्ये भारतीय खेळाडूचा हा सर्वाधिक स्कोअर आहे. टी-20 फॉरमॅटमध्ये 5 हजार रन पूर्ण करणारा अभिषेक शर्मा 131 वा खेळाडू बनला आहे, पण या सगळ्या खेळाडूंमध्ये अभिषेकचा स्ट्राईक रेट हा सर्वाधिक म्हणजेच 172.54 एवढा आहे. अभिषेक शर्माने 165 टी-20 इनिंगमध्ये 5 हजार रनचा टप्पा पार केला आहे.
सगळ्यात जलद 5 हजार रन करणारे भारतीय बॅटर (इनिंग)
केएल राहुल- 143 इनिंग
ऋतुराज गायकवाड- 145 इनिंग
शुभमन गिल- 154 इनिंग
अभिषेक शर्मा- 165 इनिंग
विराट कोहली- 167 इनिंग
अभिषेक शर्माने या सामन्यात सुरूवातीपासूनच आक्रमक बॅटिंग केली. भारताने पहिल्या 6 ओव्हरमध्ये 2 विकेट गमावून 68 रन केले होते, ज्यात अभिषेकने 15 बॉलमध्ये 31 रनचं योगदान दिलं. इशान किशन आणि संजू सॅमसन या दोन्ही खेळाडूंना मोठा स्कोअर करण्यात अपयश आलं, पण तरीही अभिषेकने दुसऱ्या बाजूने आक्रमण सुरूच ठेवलं.